Հ.Մ.Ը.Մ.-Ի Ա.Մ.Ն. ԱՐԵՒԵԼԵԱՆ ՇՐՋԱՆԻ 25-ՐԴ ՄԻՋ-ՄԱՍՆԱՃԻՒՂԱՅԻՆ ՆԱՒԱՍԱՐԴԵԱՆ ԽԱՂԵՐԸ ՊՈՍԹԸՆԻ ՄԷՋ

0 0
Read Time:4 Minute, 42 Second

MAIN363

Հ.Մ.Ը.Մ.-ի Արեւելեան Միացեալ Նահանգներու 25-րդ միջ-մասնաճիւղային մարզական խաղերը տեղի ունեցան Պոսթընի մէջ, Հինգշաբթի, Յուլիս 2-էն սկսեալ մինչեւ Կիրակի, Յուլիս 5, 2014-ին, նախաձեռնութեամբ` Հ.Մ.Ը.Մ.-ի Շրջանային Վարչութեան, հովանաւորութեամբ` Ա.Մ.Ն. Արեւելեան Շրջանի Բարեջան Առաջնորդ Բարձրաշնորհ Տ. Օշական Արք. Չօլոյեանի, ներկայութեամբ` Հ.Մ.Ը.Մ.-ի Կեդրոնական Վարչութեան անդամ եւ Արեւելեան Միացեալ Նահանգներու Շրջանի կապ` եղբ. Հրաչ Մեսրոպեանի եւ հիւրընկալութեամբ` Հ.Մ.Ը.Մ.-ի Պոսթընի մասնաճիւղին:DSCF1136DSCF1092DSCF1087DSCF1094
Հ.Մ.Ը.Մ.-ի տարեկան այս մարզական խաղերը, առիթ մըն են սատարելու Հ.Մ.Ը.Մ.-ի վսեմ նպատակին, երբ շրջանի մասնաճիւղերէն, ժամանած Հ.Մ.Ը.Մ.ականներ եւ համակիրներ, գօտեպնդուած Հ.Մ.Ը.Մ.-ի շունչով եւ ոգիով, կը հաւաքուին Միջ-մասնաճիւղային խաղերու դրօշին տակ` մրցելու` հայկական ազնիւ ոգիով, ստեղծելու` խանդավառ մթնոլորտ մը, ծառայելու` «Բարձրացի՛ր-Բարձրացո՛ւր»-ին, եւ միշտ ի միտի ունենալով` թէ այս խաղերէն յաղթական դուրս պիտի գայ միայն Հ.Մ.Ը.Մ.-ը:277272


Չորս օրերու վրայ երկարող խաղերու ընթացքին` դաշտերու վրայ, պանդոկի միջանցքներուն եւ ամէնուրէք Հ.Մ.Ը.Մ.-ական մարզիկը հանդիպեցաւ իր հարազատներուն, որոնք ժամանած էին Արեւելեան Ամերիկայի ինը շրջաններու մասնաճիւղերէն.- Նիւ Եորք, Նիւ Ճըրզի, Ուաշինկթըն, Շիքակօ,Տիթրոյթ, Փրովիտէնս, Ֆիլատելֆիա եւ հիւրընկալ Պոսթըն: Նաեւ, Գանատայէն իր մասնակցութիւնը բերաւ Թորոնթոյի Հ.Մ.Ը.Մ.-ը: 265
Մրցումներն ու տողանցքը տեղի ունեցան Վուպըրնի «Հայ Սքուլ»ի համալիրէն ներս: Իսկ, ձեռնարկները կատարուեցան մօտակայ Ուալթհամի «Ուեսթին» պանդոկէն ներս:
Յուլիս 2-ին բոլոր մարզիկները, սկաուտները եւ համակիրները, խումբ առ խումբ ժամանեցին Պոսթըն, ուր տեղի ունեցաւ մասնաճիւղերու պատասխանատուներու կարճ ժողով մը, բացատրելու շաբաթավերջի մարզախաղերու դասաւորումը, օրէնքները եւ խստապահանջ կարգապահական պայմանները: Ընդամէնը 430 մարզիկներ մասնակցեցան:
Շաբաթ, Յուլիս 4-ի երեկոյեան տեղի ունեցաւ յաղթանակի ճաշկերոյթ-պարահանդէսը: Պաշտօնական բաժինը բացուեցաւ պատւոյ հիւրերու մուտքով: Ներկայ էին երկու հարիւրէ աւելի Հ.Մ.Ը.Մ.ականներ եւ համակիր ազգայիններ, որոնք ապրեցան յիշատակելի երեկոյ մը Հ.Մ.Ը.Մ.ի մեծ ընտանիքին հետ: Պատւոյ սեղանին վրայ ներկայ էին Արեւելեան Միացեալ Նահանգներու Թեմի Բարեջան Առաջնորդ` Բարձրաշնորհ Տ. Օշական Արք. Չօլոյեան, Հ.Մ.Ը.Մ.ի Կեդրոնական Վարչութեան անդամ եւ Արեւելեան Շրջանի ներկայացուցիչ եղբ. Հրաչ Մեսրոպեան, Հ.Յ.Դ. Արեւելեան Միացեալ Նահանգներու Կեդրոնական Կոմիտէի ներկայացուցիչ Ժան Աւետիսեան, Շրջանային Վարչութեան ատենապետ Վահէ Թանաշեան, Հ.Մ.Ը.Մ.ի Պոսթընի մասնաճիւղի ներկայացուցիչ Արա Պարսումեան:282
Հանդիսութեան պաշտօնական բացումը կատարուեցաւ քայլերգներու կատարողութեամբ:
Սրբազան Հօր սեղանի օրհնութենէ եւ ճաշէն ետք, օրուան պատշաճ յայտագիրը բացուած հռչակուեցաւ:
Հ.Մ.Ը.Մ.ի Նիւ Եորքի մասնաճիւղի անունով, Արա Պարսումեան բարի գալուստ մաղթեց: Ան նշեց թէ Հ.Մ.Ը.Մ.ը միշտ ալ յաղթական դուրս եկած է, որովհետեւ ոտնագնդակի, վոլիպոլի, պասքէթպոլի կամ այլ մարզաձեւերու համախմբում մը չէ, այլ Հայկական Մարմնակրթական Ընդհանուր Միութիւն մըն է, որ կը ձգտի ազգային վսեմ նպատակներու հետեւաբար այսօրուան յաղթանակը այդ նպատակին իրագործման աշխատանքներու յաղթանակն է եւ որու հետեւանքով հայ ժողովուրդի յաղթանակն է:
Շրջանային Վարչութեան ատենապետ Վահէ Թանաշեան, իր կարգին բարի գալուստ մաղթեց բոլոր ներկաներուն: Ան շնորհակալութիւն յայտնեց կազմակերպիչ յանձնախումբին, ենթայանձնախումբերուն եւ բոլոր անդամներուն, ընտանիքներուն եւ կազմակերպութիւններուն, որոնք ամիսներ շարունակ անսակարկ եւ նուիրումով աշխատեցան այս խաղերու յաջողութեան համար:374
«Կը մաղթենք պարծանք ու պատիւ Հայ Մարմնակրթական Ընդհանուր Միութեան աննկուն ոգիով իրականացնող աշխատանքներուն եւ անոր միշտ բարձր ծածանող միութենական դրօշին», եզրակացուց ան:
Հ.Յ.Դ. Արեւելեան Միացեալ Նահանգներու Կեդրոնական Կոմիտէի կողմէ խօսք առաւ Ժան Աւետիսեան: Ան ողջունեց Հ.Մ.Ը.Մ.ի հաստատաքայլ երթը շրջանի մէջ, նշելով թէ Արեւելեան Ամերիկայի Հ.Յ.Դ. Կեդրոնական Կոմիտէն, յանձինս Հայ Յեղափոխական Դաշնակցութեան մեծ ընտանիքին, կու գայ անգամ մը եւս ողջունելու Արեւելեան Ամերիկայի Հ.Մ.Ը.Մ.ի Շրջանային Նաւասարդեան խաղերը, որոնք այս տարի իրենց 25-ամեակը կը բոլորեն:
Հ.Մ.Ը.Մ.ի Կեդրոնական Վարչութեան ներկայացուցիչ` եղբ. Հրաչ Մեսրոպեան, շեշտեց թէ, Հ.Մ.Ը.Մ.-ականը պիտի շարունակէ գործել եւ անոր ընտանիքի բոլոր անդամներուն ու յատկապէս պատասխանատու մարմիններուն երկար եւ հետեւողական աշխատանքի, ճիգի ու քրտինքի արդիւնքն է, այս մրցաշարքին կազմակերպումը:DSCF1058
Միացեալ Նահանգներու Թեմի Առաջնորդ Բարձր. Տ. Օշական Արք. Չօլոյեան իր խօսքը ուղղելով երիտասարդութեան, շնորհաւորեց 25-րդ Միջ-մասնաճիւղային մարզական խաղերու յաջողութիւնը եւ յիշեցուց, որ զանազան կազմակերպութիւններ եկած ու գացած են, բայց Հ.Մ.Ը.Մ.ը կը մնայ միշտ երիտասարդ եւ թէ անոր սկզբունքները եւ ազգային սրբութիւնը շունչ եւ արիւն տուած են հայորդիին:

Օրուան հանդիսավարն էր Նայիրի Խաչատրեանը, իսկ Մեղրի Տէր Վարդանեան մեներգեց Հայաստանի Հանրապետութեան, Ա.Մ.Ն.-ի եւ Հ.Մ.Ը.Մ.-ի քայլերգները: Ելոյթ ունեցաւ Գալիֆորնիայէն ժամանած Ժոզէֆ Գրիգորեան:
Մրցումներու աւարտին, կատարուեցաւ տողանցք, մետալներու բաշխում եւ փակման հանդիսութիւն:
Այս ձեռնարկին յաջողութեան բանալին կազմակերպիչ յանձնախումբն էր, որ ամենայն նուիրուածութեամբ եւ անաչառօրէն գործեց: DSCF1057
Փակման հանդիսութեան, նախ մուտք գործեցին պատւոյ հիւրերը, դրօշակակիրներու եւ Շրջանային խմբապետի առաջնորդութեամբ` տողանցեցին շրջանի արի եւ արենոյշներու, արծուիկներու եւ գայլիկներու խումբերը եւ յաջորդաբար ինը մասնաճիւղերու մարզիկները, յատուկ խանդավառութիւն ստեղծեցին եռագոյն դրօշակներ ծածանած գայլիկ-արծուիկներու` ապագայ սերունդի մուտքը եւ խաղերու կազմակերպիչ յանձնախումբի անդամներուն մուտքը, որոնք արժանացան ներկաներուն ծափողջոյններուն: DSCF1063
Հ.Մ.Ը.Մ.ի Պոսթընի մասնաճիւղի ներկայացուցիչ Արա Պարսումեանի,
Շրջանային Վարչութեան ատենապետ Վահէ Թանաշեանի,Հ.Մ.Ը.Մ.ի Կեդրոնական Վարչութեան ներկայացուցիչ` եղբ. Հրաչ Մեսրոպեանի,Միացեալ Նահանգներու Թեմի Առաջնորդ Բարձր. Տ. Օշական Արք. Չօլոյեանի կողքին նաեւ խօսք առին Քնար Չարշաֆեան (Ա.Մ.Ն. Արեւելեան Շրջանի Հայ Երիտասարդաց Դաշնակցութիւն) եւ Թալին Տաղլեան (Ա.Մ.Ն. Արեւելեան Շրջանի Հայ Օգնութեան Միութիւն), որոնք նշեցին թէ Հ.Մ.Ը.Մ.-ական տիպարը հայրենասէր հայու ոգիով հայորդի մըն է, մի՛շտ բարձրանալոն եւ բարձրացնելով հայու պատիւն ու կորովը, եւ այդ մէկը թէ՛ մարզադաշտի եւ թէ՛ անձնական կեանքի բնակաւառներէն ներս: : Օրուան հանդիսավարն էր Ճորճ Պարմաքեան։
333
250DSCF0882DSCF0883
Այսպէս Միջ-մասնաճիւղային 25-րդ խաղերը հասան իրենց աւարտին, անգամ մը եւս Հ.Մ.Ը.Մ.ի յաղթանակով, այս խաղերով Արեւելեան Ամերիկայի շրջանը յաւելեալ խթան ստացաւ, խաղերուն մասնակցող բոլոր Հ.Մ.Ը.Մ.ականները վերանորոգեցին իրենց ուխտը, յուսալով որ 2016-ի Նաւասարդեան մարզախաղերը վերանորոգուած եռանդով տեղի պիտի ունենան Շիքակոյի մէջ:
Խումբերու Ընդհանուր Դասաւորում.-

Մասնաճիւղ Կէտ
1.- Պոսթըն 66
2.- Նիւ Ճըրզի 46
3.- Ուաշինկթըն 23
եւ Նիւ Եորք 23
5.- Փրովիտէնս 9
6.- Շիքակօ 5
7.- Թօրոնթօ
եւ Տիթրոյթ 4
ԹՂԹԱԿԻՑ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles