Հ.Հ. ԴԵՍՊԱՆ ՏԻԳՐԱՆ ՍԱՐԳՍԵԱՆ ԻՐ ՀԱՒԱՏԱՐՄԱԳԻՐԸ ՅԱՆՁՆԵՑ ՆԱԽԱԳԱՀ ՕՊԱՄԱՅԻՆ

0 0
Read Time:51 Second

Tigran-Sargsyan-Barack-Obama  ՈՒԱՇԻՆԿԹԸՆ.- Միացեալ Նահանգներու մէջ Հայաստանի նորանշանակ դեսպան Տիգրան Սարգսեան, իր հաւատարմագիրը յանձնեց Միացեալ Նահանգներու նախագահ Պարաք Օպամային:

Հայաստանի Արտաքին Գործոց նախարարութեան մամլոյ եւ տեղեկատուութեան վարչութիւնը փոխանցեց, որ պաշտօնական արարողութեան ընթացքին Սարգսեան նշեց, որ հայ – ամերիկեան յարաբերութիւնները կ՛առանձնանան բարձր մակարդակով եւ արդիւնաւէտ համագործակցութեամբ: Դեսպանը աւելցուց, որ երկու երկիրներուն միջեւ առկայ է յարաբերութիւններու զարգացման մեծ ներուժ, եւ իր առաքելութիւնը ուղղուած պիտի ըլլայ փոխշահաւէտ համագործակցութեան զարգացման եւ գործակցութեան շրջանակի ընդլայնման:

Ողջունելով եւ շնորհաւորելով Սարգսեանը դիւանագիտական առաքելութեան սկսելուն առիթով` Օպամա վստահութիւն յայտնեց, որ Հայաստանի նոր նշանակուած դեսպանը իր հարուստ փորձառութիւնն ու գիտելիքները լաւագոյնս պիտի ծառայեցնէ երկու բարեկամ ժողովուրդներուն միջեւ յարաբերութիւններու խորացման գործին:

Նախագահ Պարաք Օպամա շեշտեց, որ Միացեալ Նահանգներ կարեւոր կը նկատեն Հայաստանի հետ փոխադարձ յարգանքի եւ շահերու վրայ հիմնուած յարաբերութիւնները, գործընկերութիւնը միջազգային խաղաղապահ առաքելութիւններուն մէջ, ինչպէս նաեւ ժողովրդավարութեան ամրապնդման եւ տնտեսական զարգացման ուղղութեամբ համագործակցութիւնը:

Ան ընդգծեց նաեւ, որ Միացեալ Նահանգներ բարձր կը գնահատեն Հայաստանի յանձնառութիւնը` հասնելու Լեռնային Ղարաբաղի հիմնախնդիրի խաղաղ լուծման եւ ամրապնդելու Հարաւային Կովկասի անվտանգութիւնը: Զրուցակիցները ընդգծեցին, որ ամերիկահայ համայնքը կարեւոր դերակատարութիւն ունի երկու երկիրներուն միջեւ բարեկամական յարաբերութիւններու զարգացման գործին մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles