0
0
ԵՐԵՒԱՆ․- Օգոստոս 31, 2021-ի թուակիր հաղորդագրութեամբ մը, Հ․Յ․Դ․ Բիւրոյի Հայ Դատի Կեդրոնական Գրասենեակը կը տեղեկացնէ, թէ նկատի ունենալով 44-օրեայ պատերազմէն ետք, Արցախի մէջ ստեղծուած քաղաքական, ընկերային եւ բարոյահոգեբանական մարտահրաւէրները՝ Հ․Յ․Դ․ Բիւրոյի որոշումով, Հայ դատի համաշխարհային ցանցի կազմէն ներս, պիտի սկսի գործել Հ․Յ․Դ․ Հայ դատի Արցախի գրասենեակը:
«Արցախում Հ․Յ․Դ․ Հայ դատի գրասենեակի հիմնադրումը յստակ քաղաքական ուղերձ է առ այն, որ Արցախի ժողովրդի իրաւունքների պաշտպանութիւնը, Արցախի Հանրապետութեան միջազգային ճանաչումը, պատերազմի հետեւանքների վերացումն ու Արցախի վերականգնումը շարունակում են լինել Հ․Յ․Դ․ Հայ դատի համաշխարհային ցանցի գործունէութեան առանցքային խնդիրներն ու քաղաքական առաջնահերթութիւնները», կը նշուի հաղորդագրութեան մէջ:
Արցախի Հանրապետութեան օրուայ յոբելեանին եւ Հ․Յ․Դ․ Հայ դատի գրասենեակի հիմնադրման առթիւ, Սեպտեմբեր 2-ին Հ․Յ․Դ․ Հայ դատի¬ կեդրոնական գրասենեակը կատարեց պաշտօնական ընդունելութիւն՝ Ստեփանակերտի «Եւրոպա» հիւրանոցին մէջ։
