ՀԱՐԻՒՐԱՄԵԱԿԻ ՍԵՄԻ ԱՄԱՆՈՐԵԱՆ

0 0
Read Time:1 Minute, 36 Second

P1 CHRISTMAS4

P1 CHRISTMAS5

ՀԱՅՐԵՆԻՔ

Խմբագրական

Իւրայատուկ է տարեվերջէն՝ 2014-էն տարեսկիզբ՝ 2015 փոխադրուող ամանորը:
Պարզ փոխանցում մը, կամ տարուայ մը փոփոխութիւն մը չէ, այլ այդ ճնշող ուրուականին՝ հպարգելքին, Հայոց Ցեղասպանութեան հարիւրամեակի տարին է որ մուտք պիտի գործենք:
Մինչեւ Ապրիլ 24, 2015 թուականը եւ նոյնիսկ այդ թուականէն ետքն ալ, ամբողջ տարի մը, այդ Ցեղասպանութեան եւ յետ-Ցեղասպանութիւն «բարդոյթ»ն է յաւելեալ մանրամասնութիւններով եւ տարբեր բնագաւառներէ ներս պիտի նշուի:
Պատրաստութեան եւ յայտագրերու դասաւորման եւ կազմակերպման աշխատանքներուն գծով, զանազան գաղութներ լծուած են աշխատանքի:
Քաղաքական բեմահարթակներէն մինչեւ մշակութային բնոյթ ունեցող բեմերէն պիտի նշուին այդ թուականի «կարմիր լուրեր»ը:
Հաւանաբար Տիգրիսի եւ Եփրատի հոսած ջուրին պիտի գերազանցէ…այդ օր, այդ թուականին՝ Ապրիլ 24, 2015-ին Ծիծեռնակաբերդ այցելող սգակիրներու թիւը: Թող զարմանալի եւ չափազանցուած չթուի այդ ստեղծուելիք կացութիւնը, երբ քայլարշաւողներու թիւը ստեղծէ աննախատեսելի խճողում եւ մղոններ երկարող սգակիրներու պոչ մը:
Նոյնքան տպաւորիչ պիտի ըլլայ Հայոց Ապագային՝ երիտասարդութեան ձայնը, յատկապէս օր մը առաջ, երբ Սերժ Թանքեան, այս առթիւ իր «Սիսթըմ աֆ է Տաուն» խումբին հետ, պիտի ներկայացնէ տարբեր ժխոր մը, խոր ձայնային հեկեկանք, ցասում, անարդարութիւն եւ վրդովում յառաջացնող արտայայտութիւններ, բոլորովին տարբեր Կոմիտաս Վարդապետի ներքին զգացումներէն , սակայն այդ միեւնոյն ՑԵՂԱՍՊԱՆՈՒԹԻՒՆ կոչեցեալ «թապու»ին՝ հպարգելքին պատճառով:
Շատ աւելի յիշատակելի պիտի ըլլան նոյնինքն Ցեղասպանութիւնը կատարուած երկրին՝ Թուրքիոյ մէջ կազմակերպուելիք հաւաքներն ու ձեռնարկները: Եւ այդ ալ ո՛չ թէ միայն Զօհրապեան «Լուռ Ցաւեր»ու քաղաք՝ Պոլսոյ մէջ, այլ նաեւ վերոյիշեալ Սիամանթոյի «Կարմիր Լուրեր Բարեկամէս»ի նշուած՝ Արեւմտահայաստանի մէջ:
Սակայն, հայ թէ օտար սգակիրին համար այժմէն իսկ անիրագործելի պիտի ըլլայ այլ մարմաջ մը …խունկ ու մոմի յարգանք մը, այդ ալ Տէր Զօր այցելութիւնը, ուր Հայոց Ցեղասպանութեան զոհերու յիշատակին նուիրուած եւ Ցեղասպանութեան արդիւնք, բազմաթիւ նահատակներու մասունքները ամփոփող տեղւոյն Սուրբ Նահատակաց եկեղեցին սրբապղծուած, թալանուած եւ ականահարուած է ծայրայեղ կրօնամոլ խուլիկաններու կողմէ:
Հոս ալ, ամերկահայ գաղութը պատրաստութիւններ տեսած է, եւ
դեռ ալ պիտի տեսնէ, զանազան վայրերէ եւ գործունէութեան դաշտերէ ներս, նշելու համար այդ հպաչգելքը:
Բայց, ամենէն աւելի կարեւորը, ան միեւնոյն ժամանակ մեծ աշխատանք ունի կատարելիք ընդդէմ թուրք եւ ազերի հակաքարոզչական մեքենային:
Այսպէս, հարիւրամեակի սեմին, տարբեր է այս տարուայ ամանորը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles