Լրահոս
ՀԱՆԴԻՊՈՒՄ ԲՐԻՏԱՆԻՈՅ ԱՇԽԱՏԱՒՈՐԱԿԱՆ ԽՈՐՀՐԴԱՐԱՆԱԿԱՆՆԵՐՈՒ ՀԵՏ
ԵՐԵՒԱՆ.- Հ.Յ.Դ. Մամլոյ դիւանը կը տեղեկացնէ, որ Հայաստանի Ազգային ժողովի Հ.Յ.Դ. խմբակցութեան քարտուղար, Հ.Յ.Դ. Հայաստանի Գերագոյն մարմինի փոխ ներկայացուցիչ` Աղուան Վարդանեան հանդիպում ունեցաւ Միջխորհրդարանական միութեան մէջ Բրիտանական խմբակի կազմէն, Համայնքներու տան Աշխատաւորական կուսակցութեան անդամներ` Սթիվըն Փաունտի եւ Մայք Կէյփսի հետ:
Հանդիպման ընթացքին քննարկուեցան Հայաստանի Հանրապետութեան արտաքին քաղաքականութեան, Արցախի հիմնահարցի լուծման, Հայաստան – Թուրքիա յարաբերութիւններուն եւ Հայոց Ցեղասպանութեան հարիւրամեակին, ինչպէս նաեւ Ատրպէյճանի հակահայ քաղաքականութեան վերաբերող հարցեր:
