Հանդիպում՝ Ֆրանսայի Նախագահ Մաքրոնի Հետ

0 0
Read Time:44 Second

ՓԱՐԻԶ․- Յունուար 23-ին «Էլիզէ» պալատին մէջ, Ֆրանսայի նախագահ Էմանուել Մաքրոն  հիւրընկալեց Ֆրանսահայ կազմակերպութիւններու համակարգող խորհուրդի համանախագահներ Մուրատ Փափազեանը եւ Արա Թորանեանը` քննարկելու Պաքուի շրջափակման մէջ գտնուող Արցախի մէջ տիրող իրավիճակը եւ սպառնալիքները, որոնք կ՛ազդեն երկրին վրայ, ինչպէս նաեւ Հայաստանի տարածքային ամբողջականութիւնը։

Մուրատ Փափազեանը եւ Արա Թորանեանը Ֆրանսայի նախագահին յայտնած են 1915 թուականի ցեղասպանութիւնը վերապրածներու ժառանգներու, Թուրքիոյ կողմէ տակաւին ժխտուող 500 հազար հայազգի ֆրանսացիներու մտահոգութիւնը իրենց սերունդներու անվտանգութեան վերաբերեալ: Անոնք, մասնաւորապէս, Մաքրոնի ուշադրութիւնը հրաւիրած են Արցախի մէջ հայութեան առջեւ ծառացած մարդասիրական աղէտին վրայ եւ յոյս յայտնած, որ այս ծայրայեղ պահուն Ֆրանսան օգնութիւն ցուցաբերէ արցախահայութեան:

Ֆրանսահայ կազմակերպութիւններու համակարգող խորհուրդի համանախագահները ողջունած են Էմանուել Մաքրոնի կողմէ իրենց նկատմամբ ցուցաբերուած ուշադրութիւնը եւ յոյս յայտնած, որ Ֆրանսան աւելի աշխուժ դեր կը խաղայ Արցախի` ներկայիս ցեղային զտումներու սպառնալիքին ենթարկուող բնակչութեան պաշտպանութեան գործին մէջ, ինչպէս նաեւ Արցախի տարածքային ամբողջականութիւնը պահպանելու հարցին մէջ:

Հանդիպումէն ետք, Փափազեան եւ Թորանեան շնորհակալութիւն յայտնեցին Էմանուել Մաքրոնին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles