Հանդիպում՝ Ամերիկահայ Մշակութային Ընկերակցութեան «Արցախ Ֆոնտ»ի Եւ «Թիւֆենքեան» Հիմնարկ

0 0
Read Time:59 Second
Ձախէն աջ՝ Հայկ Օշական, Ռաֆֆի Տուտագլեան եւ Ռաֆֆի Քիլեան
Ձախէն աջ՝ Հայկ Օշական, Ռաֆֆի Տուտագլեան եւ Ռաֆֆի Քիլեան

ՆԻՒ ԵՈՐՔ.- Կիրակի, Նոյեմբեր 13-ին, Ամերիկահայ Մշակութային Ընկերակցութեան «Արցախ Ֆոնտ»ի ատենապետ Հայկ Օշական, տեսակցութիւն մը ունեցաւ «Թիւֆենքեան» Հիմնարկի վարիչ տնօրէն Ռաֆֆի Տուտագլեանի հետ:
Աւելի քան երկու ժամ տեըողութիւն ունեցող այս տեսակցութեան ներկայ էին նաեւ Ռաֆֆի Քիլեան, Անդրանիկ Գասպարեան եւ Ալեքս Սարաֆեան:
Յատկապէս, Առաջամուղ գիւղին մասին կատարուեցան խօսակցութիւններ:
Առաջամուղ գիւղը կը գտնուի Արցախի հարաւային շրջանէն ներս,1993-ին ազատագրուած Հատրութէն քառասուն քլմ. ներս: «Կը հետեւինք կատարուած շինարարական աշխատանքներուն: Նմանօրինակ գիւղեր կառուցելը անհրաժեշտ է, յատկապէս որեւէ ազերի ներթափանցում կանխելու համար: Առաջնահերութիւն մըն է այսպիսի շրջաններ վերաբնակեցնելը», յայտնեց Ամերիկահայ Մշակութային Ընկերակցութեան «Արցախ Ֆոնտ»ի ատենապետ Հայկ Օշական:
2004-էն ի վեր այս գիւղը վերաբնակեցնելու գաղափարը մտայղացուած է «Թիւֆենքեան» հիմնարկին կողմէ, գործակցաբար Արցախի Հանրապետութեան վերաբնակեցման բաժնի հիմնարկին հետ:
2012-ին, գործակցաբար Ամերիկահայ Ընկերակցութեան Արցախ ֆոնտին հետ, որոշուեցաւ շրջանէն ներս յաւելեալ բարելաւումներ եւ ներդրումներ կատարել:
Առաջամուղէն ներս կառուցուած են 19 տուներ, դպրոց մը, նաեւ քաղաքապետարան մը: Բնակիչներու շարքին են նախապէս բանակէն ներս ծառայած եւ այժմ հանգստեան կոչուած բանակայիններ, Ատրպէյճանէն ժամանած գաղթական հայորդիներ եւ մօտակայ շրջաններէ ժամանած երիտասարդ զոյգեր:
Ընդամէնը 24 տուներու կառուցումով, բնակչութեան թիւը պիտի բարձրանայ 90-էն 120-ի:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles