0
0
Հայաստանն ու Արցախը միացնող Վարդենիս-Մարտակերտ ճանապարհին աշխատանքները կը շարունակուին:
“Հայաստան“ համահայկական հիմնադրամի օժանդակութեամբ կատարուած այս
գործը յատկապէս կը կատարուի Վարդենիս-Մարտակերտ ճանապարհի Արցախեան հատուածէն ներս: Հայաստանաբնակ եւ աշխարհասփիւռ հայերը “Դէպի Արցախ“ խորագիրող 16-րդ ամենամեայ հեռուստամարաթոնի ժամանակ 2013-ի Նոյեմբեր 29-ին հանգանակեցին աւելի քան 22 միլիոն 661 հազար 372 տոլար:
Այս ճանապարհին երկայնքն է 116 քմ. (72 մղոն), նոր ճանապարհին տակ պիտի տեղադրուին ջրահեռացման համակարգեր` անձրեւաջուրերուն քայքայումէն ճանապարհը պաշտպանելու համար: Վաթսուն թոն բեռնատարողութեան համար նախատեսուած ճանապարհին մերձակայ լեռնալանջերը պիտի ամրացուին: Պիտի կառուցուին ժայռի եւ ճանապարհի միջեւ արտաքին եւ ներքին արգելապատնէշներ` ‘ քարաթափերէ պաշտպանելու համար: Ճանապարհի երկայնքով կը գտնուի երեսուն գիւղ, պիտի կառուցուին ճանապարհային տասնըվեց կամուրջներ:
