0
0
«Համազգային»-ի կազմակերպած Ե-ֆորումը առցանց ծրագիր մըն է, որուն կրնան մասնակցիլ զանազան երկիրներէ հայեր, եւ «Զում»-ի միջոցով տեղի կ՛ունենայ:
Աշխարհի զանազան անկիւններէն խմբուած երիտասարդները առիթը պիտի ունենան ծանօթանալու Արցախ աշխարհի հայկական մշակութային զանազան արժէքներուն եւ Ատրպէյճանի կողմէ անոնց հանդէպ կիրարկուած շարունակական ոչնչացման, ջնջման եւ իւրացման քաղաքականութեան: Նիւթերը կը ներկայացուին մասնագէտներու կողմէ` Արցախէն եւ սփիւռքի զանազան երկիրներէ: Կը կատարուի նաեւ հարց ու պատասխանի բաժին:
Ե-ֆորումի առաջին օրը` Յուլիս 11-ին, դոկտ. Կարին Փափազեան- Զոհրապեան ներկայացուց «Պատերազմ, համաճարակ եւ վերապրում` հայ երիտասարդութեան հոգեբանական մարտահրաւէրները» նիւթը, իսկ դոկտ. Հեղնար Զէյթլեան-Ուաթընփաու եւ Սիմոն Մաղաքեան ներկայացուցին «Հայկական յուշակոթողային ժառանգութիւն. պահպանում եւ բնաջնջման քաղաքականութիւն» նիւթը:
Ե-ֆորումի երկրորդ օրը` Յուլիս 18 -ին, 11:45-էն 12:45-ին (Ա.Մ.Ն. արեւելեան շրջանի ժամանակացոյցով- EST), արցախցի բանաստեղծ եւ գրող Հերմինէ Աւագեան պիտի ներկայացնէ «Գրականութիւնը Արցախի պատերազմի ընթացքին» նիւթը, իսկ երեկոյեան ժամը 13:00-էն 14:00-ին , Վարդան Ասծատրեան (Շուշիի գորգերու թանգարանի հիմնադիր) եւ Հրաչ Կէօզիւպէօյիւքեան (Հայկական գորգերու ընկերութեան նախագահ) պիտի ներկայացնեն «Գորգագործութեան արուեստը` Արցախի հայկական ինքնութեան վկայութիւն» նիւթը:
Նշենք, որ մասնակցութիւնը անվճար է, արձանագրուիլը ստորեւ նշուած կապով` նախապայման:
