ՀԱՂՈՐԴԱԳՐՈՒԹԻՒՆ «ՀԱՄԱԶԳԱՅԻՆ»Ի.- «ԱՐԴԻ» Տառատեսակի Ստեղծում

0 0
Read Time:49 Second


Համազգային Հայ Կրթական եւ Մշակութային Միութեան Կեդրոնական վարչութիւնը այսու կու գայ հայ գրասէր հանրութեան եւ հայերէնի ուսուցման մարզին մէջ մասնագէտներու ուշադրութեան յանձնելու, թէ առ ի գործադրումն Համազգայինի Է. Պատգամաւորական ժողովի որոշումներուն, իր գործօն մասնակցութիւնը կը բերէ համացանցային ոլորտին մէջ հայերէնի տարածման, ինչպէս նաեւ նորահաս սերունդի հայերէնի ճանաչողութեան գործին։
Առ այդ, այսու կը յայտարարենք թողարկումը մանկական ձեռագիր «ԱՐԴԻ» տառատեսակին, որ կրնայ օգտագործուիլ տպագրական հաստատութիւններու, մանուկներու յատուկ հրատարակութիւններու խմբագիրներու եւ մանաւանդ CoralDraw, Quarkxpress, Indesign, Illustrator, Photoshop եւ այլն տպագրական ծրագրերը գործածողներու կողմէ:
«ԱՐԴԻ» տառատեսակի օգտագործմամբ, մանուկը պիտի կարենայ հայերէն գիրերը տեսնել այնպէս, ինչպէս ինք կը սորվի դպրոցին մէջ, ինչ որ աւելի դիւրըմբռնելի կ՚ըլլայ մանուկին համար եւ մտքին մէջ երկուութիւն չի ստեղծուիր։ Յայտնենք, որ այս տառատեսակի օգտագործմամբ միանմանութիւն կը ստեղծուի թէ՛ դպրոցական գիրքերու, թէ՛ քովնտի հրատարակութիւններու եւ թէ «ԱՐԴԻ» գործիքներու վրայ զանազան խաղերու (app) համար օգտագործուած տառատեսակներուն մէջ։
«ԱՐԴԻ» տառատեսակը կարելի է ներբեռնել անվճար, դիմելով Համազգայինի կայքէջին, հետեւեալ հասցէով՝
http://www.hamazkayin.com/arti/։

Հայ մամուլէն կը խնդրուի տարածել այս հաղորդագրութիւնը։

Համազգայինի
Կեդրոնական Վարչութիւն

Յունուար 9, 2017

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles