ԿԱՐՊԻՍ ԳԱԶԱՆՃԵԱՆԻ ՀԵՏՔԵՐՈՎ

0 0
Read Time:2 Minute, 40 Second

 

Ձախէն աջ՝ Երուանդ Փամպուքեան, Խաթուն Ուրֆալեան, Արշալոյս եւ Կարպիս Գազանճեան, Հրայր Մարուխեան, Անդրանիկ Ուրֆալեան եւ Հրաչ Տասնապետեան
Ձախէն աջ՝ Երուանդ Փամպուքեան, Խաթուն Ուրֆալեան, Արշալոյս եւ Կարպիս Գազանճեան, Հրայր Մարուխեան, Անդրանիկ Ուրֆալեան եւ Հրաչ Տասնապետեան

Ա.Մ.Ն. Արեւելեան Շրջանի եւ յատկապէս Նիւ Ճըրզիի ծանօթ տիպարներէն է Կարպիս Գազանճեանը, որ տարիներ շարունակ ծառայած է թէ՛ Միջին Արեւելքի եւ թէ՛ Միացաել Նահանգներու գաղթօճախներէն ներս:
Գազանճեան ծնած է Պէյրութ 1930¬ին։ Մանկութիւնը եւ պատանեկութիւնը անցուցած է Պուրճ Համուտի թաղամասերէն Կիւլէպաշի մէջ որ մեծաւ մասամբ ուրֆացիներով բնակուած էր։ Գազանճեան յաճախած է Նոր Սիսի «Լուսինեան» Ազգային Վարժարանը։ Շրջան մը ընտանիքը հաստատուեցաւ Հարաւային Լիբանանի Սայտա քաղաքը, ուր յաճախած է տեղւոյն «Ֆրէր Մարիսթ»ներու վարժարանը եւ աւարտած է նախակրթարանը։
Պէյրութ վերադառնալէ ետք, ան յաճախած է եւ աւարտած՝ Համազգային «Նշան Փալանճեան» ճեմարանը, աշակերտելով Նիկոլ Աղբալեանի, Լեւոն Շանթի, Կարօ Սասունիի, Գառնիկ Գիւզալեանի նման հսկաներու։ Ապա մէկ տարի Հայկազեան Քոլէճ այցելածի ֆրէշմէնը եւ երկու տարի առեւտրական մասնագիտութիւնը աւարտելով, Պէյրութի «Էքոլ Թէքնիք տը Քոմերսը»։ Որպէս ուսուցիչ երեք տարի պաշտօնավարած է Էշրէֆիէ Ազգային Վարժարանէն ներս։
1957¬ին, եղբօրը Մանուէլին հետ հիմնած է «Արամազդ» տպարանն ու հրատարակչատունը, ուրկէ լոյս կը տեսնեն եւ կը հրատարակուին բազմաթիւ գրական եւ մանկական պատկերազարդ գիրքեր։ 1959ին «Արամազդ» հրատարակչատունը կը նախաձեռնէ «Նոր Կեանք» պատկերազարդ շաբաթաթերթին հրատարակութեան, որ ցարդ կը շարունակուի։

Հրանդ Մարգարեանի հետ հարցազրոյցի պահուն
Հրանդ Մարգարեանի հետ հարցազրոյցի պահուն

1963¬1973-ին պաշտօնավարած է Պէյրութի Ամերիկեան Դեսպանատան տեղեկատու բաժնին մէջ, Հայ լրագրողի հանգամանքով, ուր բացի տեղեկատուական եւ լրագրական աշխատանքներէն օգտակար եղած է հայերու եւ ամերիկացիներու կապերու ամրապնդումին։ Այդ հանգամանքով, ան գործած է նաեւ որպէս «Ամերիկայի Ձայն»ի հայկական բաժնի թղթակից մինչեւ 1975 թուականը, արձագանգելով Լիբանանի հայ կեանքին։ Այդ պաշտօնի գծով որպէս միակ հայ լրագրողը հրաւիրուած է Ամերիկա եւ անատատեսի թղթակցութիւններ կը գրէ եւ կը հաղորդէ «Ափօլօ 11»-ի լուսնային պատմական առաջին արշաւի հանգրուաններուն մասին, Ֆլորիտայի Քենետի Հրուանդանէն եւ Հիուսթընի Ճանսըն Անջրպետային կեդրոնէն։
Միացեալ Նահանգներ հաստատուելէ ետք, 1975ին, առեւտրական նախաձեռնութիւններուն զուգահեռ կը շարունակէ իր մասնակցութիւնը բերել հայ մամուլին եւ հայ կեանքին։ Շրջան մը պաշտօնավարելէ ետք, Յովնանեան Վարժարանէն ներս որպէս վարչական տնօրէն, ապա կը մասնակցի հոգաբարձու եւ տնօրէն խորհուրդներուն։lilit
1986¬էն մինչեւ 1993 գործած է որպէս Գալիֆորնիոյ «Նոր Կեանք» շաբաթաթերթի Միացեալ Նահանգներու Արեւելեան ափի ներկայացուցիչ եւ թղթակից։ Միեւնոյն ժամանակ կը պահէ շաբաթական էջ մը նուիրուած Հայաստանի լուրերուն։ Հայաստանի աղէտալի երկրաշարժը, Արցախեան շարժումը, անկախութիւնը, Ղարաբաղի պատերազմը եւ յարակից բոլոր անցուդարձերը արձագանգ գտած են շաբաթական այդ էջերուն մէջ։ Այդ միջոցին, Գազանճեան երեք անգամ այցելած է Հայաստան, 1985ին Յովնանեան Վարժարանի խումբը գլխաւորելով 1992ին, հրաւէրովը Արտաքին Գործոց նախարար Ռաֆֆի Յովհաննէսեանի. 1993¬ին որպէս հրաւիրեալ «Նոր Հայաստան» օրաթերթին։ Այս այցելութիւնները ժամանակին արձագանգ գտան մամուլով։
1986էն մինչեւ այսօր, Գազանճեան կանոնաւոր կերպով աշխատակցած է Նիւ Եորք¬Նիւ Ճըրզի շրջանի միակ հայկական ռատիոժամին եւ ամէն շաբաթ Հայաստանեան եւ գաղութային լուրերով գրաւած է հետաքրքրութիւնը շրջանի աւելի քան հարիւր հազար հայութեան, որոնց համար լուրերու եւ հայկականութեան շինիչ աղբիւր դարձած է Հայկական Կիրակնօրեայ ռատիոժամը։ Նաեւ, յօդուածներով եւ թղթակցութիւններով, ան աշխատակցեցաւ Նիւ Ճըրզիի մէջ հրատարակուող «Անկախութիւն» երկշաբաթաթերթին, նաեւ որպէս պատւոյ թղթակից՝ Պոլսոյ «Մարմարա» օրաթերթին։ Իր անուան տակ հիմնուած «Հայկական Լուրերու եւ մամլոյ Ծառայութիւններու» սպասարկութիւնր պարբերաբար, Նիւ Եորքի մէջ պատահած կարեւոր լուրերու թղթակցութիւնները կը հաղորդէ ամերիկահայ մամուլին։ 1996ի Աթլանթայի Միջազգային Ողիմպիական խաղերուն մաս կազմեց «Թիմ Արմէնիա» խմբակին, մեծագոյն Նիւ Եորքի շրջանին մէջ կազմակերպելով դրամահաւաք Հայաստանի Ազգային Խումբին որպէս զօրակցութիւն եւ ապա որպէս ընդունուած լրագրող ներկայ եղաւ խաղերուն եւ հաղորդումներ կատարեց ոչ միայն ամերիկահայ, այլ նաեւ սփիւռքահայ մամուլին։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles