0
0
Փետրուար 10-ին, Հայաստանի նախագահ Սերժ Սարգսեանի նստավայրէն ներս, տեղի ունեցաւ խորհրդակցութիւն` նուիրուած Հայոց Ցեղասպանութեան 100-րդ տարելիցի ձեռնարկներու նախապատրաստական աշխատանքներուն:
Հայաստանի Հանրապետութեան պետական մարմիններու ղեկավար անձնակազմին մասնակցութեամբ հրաւիրուած խորհրդակցութիւնը վարած է Հայոց Ցեղասպանութեան 100-րդ տարելիցին նուիրուած ձեռնարկները համակարգող պետական յանձնաժողովի նախագահ, նոյնինքն նախագահ Սերժ Սարգսեան: Խորհրդակցութեան մասնակցողներուն ներկայացուեցաւ ձեռնարկներուն ծրագիրը, «Կը յիշեմ եւ կը պահանջեմ» կարգախօսին ներքեւ Հայաստանի եւ արտերկրի մէջ կազմակերպուելիք ձեռնարկներուն ժամանակացոյցը: Յատուկ զեկուցումով մը հանդէս եկաւ Հայոց Ցեղասպանութեան 100-ամեակի ձեռնարկները համակարգող, Հայաստանի Հանրապետութեան նախագահի աշխատակազմի ղեկավար Վիգէն Սարգսեան:
