Խոսրովի Անտառի Հրդեհին Հիմնական Օճախները Մարած 

0 0
Read Time:1 Minute, 6 Second

Խոսրովի Անտառի հրդեհի շիջման աշխատանքներուն հետեւող պետական կառոյցներուն տուեալներով, կարելի եղած է մարել հրդեհի հիմնական օճախները: Մինճ այդ շրջանէն ներս կը կատարուին յետմարման աշխատանքներ: Հայաստանի Հանրապետութեան արտակարգ իրավիճակներու նախարարութեան օգտագործած «Իլիուշին 76» օդանաւը կը շարունակէ օդային հրդեհաշիջման աշխատանքները:

Հայաստանի Հանրապետութեան բնապահպանութեան նախարար Արծուիկ Մինասեան յայտնեց թէ, հրդեհի դէմ պայքարին կը մասնակցին Հայաստանի Հանրապետութեան արտակարգ իրավիճակներու նախարարութեան փրկարարներ, Հայաստանի պաշտպանութեան նախարարութեան Արարատի զօրամասի զինուորներ, Հայաստանի կառավարութեան առընթեր ոստիկանութեան Արարատի մարզային վարչութեան աշխատակիցներ, կամաւոր դէպի վայր մեկնած բնապահպան քաղաքացիներ, Արարատի մարզի համայնքներու բնակիչներ: 12 օգոստոսէն արգելոցին մէջ բռնկած հրդեհը մարելու ուղղութեամբ աշխատանքները կը շարունակուին նոր թափով: Արծուիկ Մինասեան յայտնեց, որ Խոսրովի Անտառին մէջ հրդեհը բռնկելէ ետք շատ արագ տարածուած է, անմիջական գործողութիւնները արդիւնք չեն տուած թէ՛ տեղանքի, թէ՛ կլիմայական պայմաններու առանձնայատկութեամբ:

«Թէեւ կանխարգելիչ բազմաթիւ գործողութիւններ ձեռնարկուած են, սակայն հրդեհէն կարելի չէ եղած խուսափիլ, որուն պատճառով պետական արգելոցի տարածքին մէջ, ինչպէս նաեւ համայնքային նշանակութեան տարածքներու մէջ հրդեհը բռնկած եւ շատ արագ տարածուած է: Ներկայիս անիկա կ՛ընդգրկէ արգելոցին էական մասը, որ բնապահպանական առումով կը նկատուի չափազանց մեծ վնաս: Անիկա վնաս հասցուցած է թէ՛ բուսական աշխարհին` հարիւրամեայ ծառերուն, թէ՛ կենդանական աշխարհին: Տարածքի առանձնայատկութիւնը նաեւ այն է, որ պետական արգելոցը կը գտնուի բնական միջավայրի միջանցքին մէջ: Եղած մարդկային, թեքնիք կարելիութիւններու սահմաններուն մէջ բոլոր գործողութիւնները ձեռնարկուած են, սակայն տեղանքի առանձնայատկութեամբ պայմանաւորուած անկարելի եղած է կասեցնել հրդեհը: Կը կատարուին հրդեհաշիջման աշխատանքներ օդային տարածքէ», յայտնեց Մինասեան:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles