Լա Հէյի Դատարանը Պահանջեց Ատրպէյճանէն Կասեցնել Հայերուն Նկատմամբ Ցեղային Ատելութիւնը
ԼԱ ՀԷՅ․- Մ․Ա․Կ․-ի Արդարադատութեան միջազգային դատարանը, նախագահութեամբ դատաւոր Ճոան Տոնոկիուի, հրապարակեց «Հայաստանն ընդդէմ Ատրպէյճանի» նիւթով հրատապ միջոցներ սահմանելու Հայաստանի դիմումի վերաբերեալ որոշումը: Սեպտեմբեր 16-ին Հայաստանի Հանրապետութիւնը հայց ներկայացուցած էր Մ․Ա․Կ․-ի Արդարադատութեան միջազգային դատարանին Ատրպէյճանի Հանրապետութեան դէմ` Պաքուն մեղադրելով ցեղային խտրականութեան բոլոր ձեւերու վերացման միջազգային համաձայնագիրի դրոյթները խախտելու մէջ:
Լա Հէյի դատարանը պահանջած է Ատրպէյճանէն կանխել հայերու նկատմամբ ցեղային ատելութեան տարածումը: Ըստ որոշումի առաջին կէտին, Ազրպէյճանը պէտք է բռնութենէ պաշտպանէ 2020-ի պատերազմի ընթացքին կամ անոր պատճառով գերութեան մէջ յայտնուած անձերու անվտանգութիւնը։ Նաեւ, Պաքու ամէն գնով պէտք է կանխէ եւ պատժէ վայրագութեան եւ պղծման բոլոր գործողութիւնները, որոնք կատարուած են հայկական մշակութային ժառանգութեան հանդէպ:
