ԵԼԵԿՏՐԱԿԱՆՈՒԹԻՒՆԸ ԹԱՆԿԱՑԱՒ…ԴԱՒԱԴՐՈՒԹԻՒՆ ՍՊԱՌՈՂԻՆ

0 0
Read Time:3 Minute, 9 Second

p5 armenia-price-regulations-committee_0 Հանրային ծառայութիւնները կարգաւորող յանձնաժողովն այսօր որոշում ընդունեց ելեկտրականութեան սակագինը եւս մօտ չորս դրամով աւելացնելու մասին: Այս տարուայ ընթացքում սա ելեկտրականութեան սակագնի երկրորդ վերանայումն էր, այն սպառողների համար թանկացաւ մօտ քառասուն տոկոսով: Հանրային ծառայութիւնները կարգաւորող յանձնաժողովը որոշումն ընդունեց` ոչ միայն հաշուի չառնելով իր վարչական շէնքի մօտ անցկացուող հանրային բողոքը, նիստի ընթացքում մի քանի քաղաքական ուժերի եւ հասարակական կազմակերպութիւնների կողմից արուած` սակագնի թանկացման որոշումը որոշ ժամանակով յետաձգելու եւ աւելի համակողմանի, խորը մասնագիտական քննարկման առարկայ դարձնելու առաջարկութիւնը, այլեւ, անխուսափելի թուացող համատարած գնաճի հետ կապուած, ընկերային-տնտեսական հնարաւոր հետեւանքները: Յանձնաժողովն այդպէս որոշեց, բացառապէս այն պատճառով, որ այդպէս ցանկացաւ “Հայաստանի ելեկտրական ցանցեր“ -ի հարիւր տոկոս բաժնետոմսերին տիրապետող ռուսական ընկերութիւնը: Միտումնաւոր կերպով ելեկտրացանցերը հասցւում են սնանկացման եզրին, որպէսզի առաջացած դրամական ճեղքուածքը փակելու համար պարզապէս անխուսափելի համարուի արտադրուող ելեկտրականութեան սակագնի բարձրացումը: Ըստ էութեան` իրադարձութիւնները զարգացան հէնց այդ տրամաբանութեամբ: Դեռ մէկ ամիս առաջ յատուկ պաշտօնական հաղորդագրութեամբ Հանրային ծառայութիւնները կարգաւորող յանձնաժողովը նախազգուշացրեց հնարաւոր թանկացման մասին, ինչը հանրութեանը պարտադիր կատարուելիք գործընթացին եւ իր` արդէն կանխորոշուած որոշմանն աստիճանաբար արդարացնելու նպատակ էր հետապնդում: Եւ դա չնայած այն հանգամանքին, որ այդ ողջ ընթացքում այդպէս էլ որեւէ տրամաբանական բացատրութիւն չտրուեց, թէ ինչո՞ւ յանկարծ ի յայտ եկաւ արտադրող ենթակայական աւելի թանկ գնով ելեկտրականութիւն գնելու խնդիրը, այն դէպքում, երբ առկայ աղբիւրները միանգամայն բաւարարում էին անգամ Մեծամօրի աթոմական կայանի չշահագործման դէպքում աւելի աժան գնով ելեկտրականութեան արտադրութիւն ապահովելու համար:

Ժամանակին ռուսական ընկերութեան վաճառուած` համակարգն աւելի արդիականացնելու, ելեկտրականութեան չափազանց մեծ կորուստները նուազեցնելու, ոլորտի աւելի արդիւնաւէտ, ժամանակակից վարչակարգման չափորոշիչներին համապատասխան կառավարում ապահովելու նկատառումներով, որպէսզի հնարաւոր լինի ծախսերն բարձրացնել եւ սպառողների համար լուրջ նիւթական եւ ընկերային բեռը չստեղծել: Այս խնդիրը, փաստօրէն, չի լուծուել, ինչում պատասխանատու կարող է լինել միայն երկու նիւթ` կա՚մ տուեալ ընկերութիւնը, որը զլացել է, բաւարար ներդրումների, արդիւնաւէտ կառավարման նոր ձեւ ապահովելով, արդիականացնել համակարգը եւ կատարել իր վերցրած պարտաւորութիւնները, կամ Հ.Հ. կառավարութիւնը, որը մի կողմից բաւարար վերահսկողութիւն չի իրականացրել` համակարգը մատնելով բացարձակ անուշադրութեան եւ թոյլ տալով ռուսական ընկերութեանը համակարգի հետ վարուել ըստ իր հայեցողութեան, միւս կողմից` ելեկտրականութիւն ստեղծող եւ բաշխող համակարգի հետ կապուած վարել է պարզապէս անհեռատես, անհետեւողական եւ ,որ շատ աւելի էական է, անհասկանալի ու անտրամաբանական քաղաքականութիւն: Թէ այս նիւթերից ո՞րն է աւելի պատասխանատու, տուեալ պահին արհեստականօրէն մղւում է երկրորդական ծրագիր, որովհետեւ առաջին ծրագիրն է մղւում նրանց երկուսի համատեղ համաձայնութեամբ դրա տակից դուրս գալու խնդիրը ուղղակիօրէն սովորական, շարքային սպառողների վրայ բարդելու իրողութիւնը` ուղղակի անելանելի վիճակի մեջ դնելով նաեւ տեղական արտադրութիւնը: Ռուսական ընկերութիւնն իր մասնաւոր շահերն է հետապնդում, որը, չի բացառւում` համընկնում է իր ներկայացրած երկրի շահերին:
Իսկ ի՞նչ շահեր է պաշտպանում նրանց ախորժակը լռելեայն եւ հնազանդօրէն բաւարարող Հայաստանի իշխանութիւնը: Մի առանձնակի համառութեամբ կառավարութիւնը գերշահոյթներ ստանալու հնարաւոր բոլոր երեւակայելի ու աներեւակայելի պայմաններն է ստեղծում յատկապէս Հայաստանում գործունէութիւն ծաւալող ռուսական ելեկտրական ընկերութիւնների համար: Անցած տարեվերջին, իբր, կազի սակագինը 5 տարի չբարձրացնելու նպատակով յատուկ օրէնսդրական օրէնք ընդունուեց` “Կազփրոմ“ ընկերութեանը պատկանող “Կազպրոմ Արմենիա“-ի համար 30 տարով շահոյթ ստանալու, գործնականում առանց մրցակցութեան, ՝՝մոնոփոլ՝ գործունէութիւն ծաւալելու այնպիսի արտօնեալ պայմաններ ստեղծելով, որոնք էականօրէն սահմանափակում էին նոյնիսկ էներգետիկ ոլորտում Հայաստանի ինքնիշխանութիւնն ու պետական իշխանութեան մարմինների կողմից վերահսկողական, կարգաւորիչ գործերի իրականացումը: Ընդ որում` որեւէ երաշխիք չտրուեց, որ այդ ամէնի դիմաց գոնէ կը կատարուի կազի սակագինը նախատեսուած ժամանակահատուածում չբարձրացնելու պայմանը, քանի որ ռուսական կողմը նման յանձնառութիւն իրականում չէր ստանձնել, այլ որոշուել էր Հայաստան մատակարարուող կազի սակագինը կապել Ռուսաստանի Օրէնպուրկի մարզում գործող սակագնային ծրագիրին` որքան այնտեղ բարձրանայ կազի գինը, նոյնքան էլ բարձրանալու է նաեւ Հայաստանում:

…Մէկ տարուայ ընթացքում երկու փուլով գրեթե կիսով չափ թանկացումը վկայում է, որ այս ընթացքները լինելու են շարունակական: Որովհետեւ կառավարութեան բացարձակ անտարբերութեան եւ յանձաւոր հարմարուողականութեան պարագայում, վաղը, միւս օրը կարող է նորից `՝յայտնուել“ սնանկութիւն:
Մանաւանդ` 2013-ին ընկերութիւնը շրջանառութեան մէջ էր դրել սակագինը մինչեւ 45 դրամ դարձնելու գաղափարը: Դրան հասնելու համար մնում է անցնել եւս մէկ փուլ` 3-4 դրամով թանկացման նոր նախաձեռնութիւն սկսելով: Եւ կարելի է չկասկածել, որ ռուսական ընկերութեանը յարմար պահին Հանրային ծառայութիւնները կարգաւորող յանձնաժողովը այդ ծառայութիւնը կը մատուցի: Գէորգ Աղապապեան
(յապաւումով)

Հ.Գ. Սակագինը բարձրացնելու ընտրուած պահը բոլորովին պատահական չէ` հէնց այսօրուանից բարձրանում են պետական ծառայողների աշխատավարձերը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles