0
0
ԵՐԵՒԱՆ.- Հունգարիոյ մայրաքաղաք` Պուտափեշթի մէջ, Ատլանտեան Ուխտի` ՆԱԹՕի դասընթացքներուն ընթացքին, կացինահարուած Գուրգէն Մարգարեանին նուիրուած, յիշատակի երթ տեղի ունեցաւ: Հաւաքին ազդանշանը տրուեցաւ Լենինկրատեան փողոցին վրայ կանգնեցուած յուշարձանէն եւ շարունակուեցաւ դէպի Եռաբլուր պանթէոն:
Հարիւրաւոր քաղաքացիներ նախ կիսանդրիին մօտ, այնուհետեւ Եռաբլուրին մէջ յարգանքի տուրք մատուցած են հայ սպային: Անոր մահուան տասնամեայ տարելիցը յարգեցին ո՛չ միայն սպային հարազատներն ու ընկերները, այլ նաեւ “Ժառանգութիւն“ կուսակցութեան նախագահ Րաֆֆի Յովհաննէսեանը, “Զինուոր“ հասարակական կազմակերպութեան համակարգող խորհուրդի նախագահ Մարգարիտ Խաչատրեանը, գրող, հրապարակախօս Զօրի Բալայեանը, թիւ 22 դպրոցի եւ Գուրգէն Մարգարեանի անուան 126 մանկապարտէզի սաները:
Հայաստանի պաշտպանութեան նախարար Սէյրան Օհանեան Մարգարեանի սպանութիւնը որակեց միանգամեայ Ցեղասպանութիւն: “Տասը տարի է անցել, եւ մենք եկել ենք, որ յարգանքի տուրք մատուցենք հայ սպային: Մեր սպային սպանել են միայն այն բանի համար, որ նա հայ է, եւ ոճրագործն էլ խոստովանել է, որ ինքը պատրաստուել է հայ սպանելու: Ատրպէյճանի համար հերոսները այլ մարդիկ են` նրանք, որոնք կարողանում են գիշերը կացնահարել“, նշեց Օհանեան` շեշտելով, թէ հերոսներ են այն մարդիկը, որոնք այսօր առաջին գիծին վրայ գիշերուզօր կը պաշտպանեն հայրենիքը, հակահարուած կու տան թշնամիին յարձակումներուն եւ հարկ եղած ժամանակ իրենց կեանքին գնով կը հերոսանան:
