ԳՈՐԾՕՆ ԾԱՌԱՅՈՒԹԻՒՆ

0 0
Read Time:1 Minute, 43 Second

p1 khemp1

 

ՀԱՅՐԵՆԻՔ

Խմբագրական

Յունուար 27, 2015

Իսկական հերոսը այն տիպարն է, որ իր կարելին կþընէ ամենէն աւելի դաժան պայմաններու ընթացքին: …Դեռ աւելին, տիպար հերոսը այն է որ լռիկ-մնջիկ կը կատարէ իր պարտականութիւնը, միշտ ալ մնալով շուքի եւ ,լուսանձքեի տակ:
Այսպէս, այդ տիպարներուն՝ հայոց բանակայիններուն օրը կը նշուի տարուայ առաջին ամսուայ աւարտին՝ Յունուար 28-ին:
Այս տարուայ 23-ամեակը իւրայատուկ է, նկատի ունենալով որ, տարեսկիզբէն ի վեր, օրական դրութեամբ, Հայաստանի Հանրապետութեան եւ Ատրպէյճանի Հանրապետութեան զօրքերու շփման գիծին վրայ տեղի կþունենան ընդհարումներ:
Միայն անցնող շաբթուան ընթացքին, նախայարձակ ազերի բանակը խախտած է զինադադարի պահպանման դրութիւնը, աւելի քան 1800 անգամ` հայկական դիրքերուն ուղղութեամբ արձակելով աւելի քան քսան հազար կրակոց:
Տարուան ամիսը չաւարտած, հայրենի բանակէն ներս արձանագրուած են ութ զոհեր, որոնց կողքին կþաւելնան նաեւ տասնեակ մը վիրաւորներ:
Ատրպէյճանի պաշտպանութեան Նախարարութիւնը համեմատաբար լուռ կը մնայ եւ ամէն ճիգ կը թափէ ,ծածկելուե իր բանակէն ներս արձանագրուած զոհերուն թիւը պաշտօնապէս տեղեկացնելու:
Կարելի չէ բաղդատել սպաննուած ազերի զինուորներու թիւը հայոց բանակի զոհերուն հետ: Միայն Յունուար 23-26-ի ընդհարումներուն, սահմանագիծի տարբեր դիրքերուն վրայ ծառայող աւելի քան 15 ազերի զինուորներ սպաննուած են:
Բնականաբար թշնամիին արձանագրած զոհերու թիւը, կարելի է վերագրել, առաջին հերթին նախայարձակ ըլլալու կացութեան մէջ ըլլալուն, նաեւ հայոց բանակի կատարած իր պարտականութեան պատճառով: Արդարեւ հայոց բանակը շփման գիծի ամբողջ երկայնքէն ներս, ոչ միայն ամենայն զգօնութեամբ եւ բծախնդրութեամբ կը կատարէ իր առջեւ դրուած զինուորական պարտականութիւնը, այլ նաեւ ըստ կարիքի եւ անհրաժեշտութեան կը ձեռնարկէ հակայարձակողական շինիչ գործողութիւններ, յուսալքելով հակառակորդն ու անոր պայքարելու կամքը:
Հոս տեղին է աւելցնել թէ, այս տարուան համեմատաբար քաղջ ձմեռը, յաւելեալ առիթ մը ստեղծած են, որ զինուորական գործողութիւնները շատ աւելի դիւրութեամբ կատարուին:
Հայոց բանակի կազմաւորման 23-ամեակի տարեդարձին նուիրուած եւ Պաշտպանութեան Նախարարութեան վարչական համալիրին մէջ տեղի ունեցած հանդիսութեան, խօսք առնելով, Հանրապետութեան նախագահ Սարգսեան նշեց թէ Պաքուի նախայարձակ գործողութիւններուն նպատակը կը ձգտի մնայուն լարուածութիւն ստեղծել եւ սպառնալիքի քաղաքականութիւն կիրարկել. բան մը՝ որ շատ աւելի պիտի ազդէ նոյնինք նախայարձակին վրայ:
Ալիեւ կը փորձէ բոլորին ցոյց տալ, թէ ինչե՜ր կրնայ ընել, առանց ենթագիտակցելու թէ ինչե՜ր կրնան պատահիլ, առ ի հետեւանք այս ոտնձգութիւններուն:
Եւ այս յաջողութիւններու ետին կանգնած են, այդ անծանօթ խրամապահ հերոսները, որոնց գործօն ծառայութեան տարեդարձը հանդիսաւորապէս յիշուեցաւ Յունուար 28-ին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles