ԱՐՑԱԽԻ ԱԶԳԱՅԻՆ ՎԻՃԱԿԱՀԱՆՈՒԹԵԱՆ ՏՈՄՍԵՐ ՊԻՏԻ ՎԱՃԱՌՈՒԻՆ Ա.Մ.Ն. ԱՐԵՒԵԼԵԱՆ ՇՐՋԱՆԷՆ ՆԵՐՍ

0 0
Read Time:58 Second

 

photo (22)Արցախի Հանրապետութեան ազգային վիճակահանութեան գրասենեակը, այս տարի եւս լոյս ընծայած է ազգային վիճակախաղի տոմսեր:
Այս առթիւ, Ա.Մ.Ն. Արեւելեան Շրջանի Կեդրոնական Կոմիտէն հաղորդակցութեան մէջ մտաւ Արցախի Հանրապետութեան փոխ վարժապետ Արթիւր Աղաբեկեանի հետ: Արդարեւ Կեդրոնական Կոմիտէի անդամներ՝ Անդրանիկ Գասպարեանի, Անժէլ Մանուկեանի եւ Թորոս Չէօփճեանի հետ խորհրդակցեոլէ ետք, Աղաբեկեան տեղեկացուց թէ այս տոմսերու վաճառքէն գոյացած գումարը, պիտի յատկացուի Քաշաթաղի շրջանի Իշխանաձոր համայնքին մէջ, վերաբնակեցման նպատակով բնակելի տուներ կառուցելու աշխատանքին: Այնտեղ արդէն իսկ կառուցուած են տասը բնակելի տուներ, իսկ այլ տասը բնակելի տան շինարարութիւնը արդէն սկսած է: Կը նախատեսուի քառասուն բնակելի տուն կառուցել:
Նշենք թէ, Արթիւր Աղաբեկեան Նոյեմբերի աւարտին պիտի ժամանէ Միացեալ Նահանգներ, գոհաբանութեան օրուան առթիւ կատարուելիք դրամահաւաքին մասնակցելու, նախագահ Բակօ Սահակեանի պաշտօնական պատուիրակութեան հետ:
Այս գումարէն մաս մը նաեւ, պիտի յատկացուի գորգագիտուհիներու, որոնք կը գործեն պետութեան հովանաւորութեան տակ գտնուող գործարաններէ ներս:
Բախտաւորները պիտի տիրանան բնակարաններու եւ գորգերու: Գիւղանտնտեսութեան աջակցելու նպատակով այս տարի իբրեւ նուէր պիտի տրամադրուի նաեւ, տակառով թութի օղի:
Վաճառքի դրուած են 300 հազար տոմս, յատկապէս Արցախի, Հայաստանի, Ռուսաստանի եւ Պարսկաստանի մէջ։
Վիճակահանութիւնը պիտի կատարուի, յառաջիկայ Դեկտեմբեր 28-ին, Ստեփանակերտի մէջ:
Արեւելեան Ա.Մ.Ն.-ի շրջանէն ներս, յաւելեալ տեղեկութիւններ ստանալու եւ տոմս ձեռք ձգելու համար, յառաջիկայ թիւով պիտի փոխանցուին ամբողջական մանրամասնութիւններ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles