0
0
Բնախօսութեան եւ բժշկութեան ոլորտին մէջ 2021 թուականի Նոպէլեան մրցանակին արժանացած են ամերիկահայ Արտեմ Փաթափութեան եւ իր գործընկեր՝ Տէյվիտ Ճուլիըսթ:
Մրցանակին պատասխանատուները կը հաղորդեն, որ երկու գիտնականները մրցանակին արժանացած են ջերմաստիճանի ընկալիչներու եւ շօշափելիքի ուսումնասիրութեան ժամանակ իրենց կատարած բացայայտումներուն համար: 53-ամեայ Փաթափութեան ծնած է Պէյրութ, ուր կենսաբանութիւն ուսանած է տեղւոյն ամերիկեան համալսարանին մէջ եւ 1986-ին գաղթած է Միացեալ Նահանգներ:
Արտեմ Փաթափութեան մասնիկային կենսաբան եւ ջղաբան է: Ան ներկայիս կ՛աշխատի Քալիֆորնիոյ Լա Հոյա շրջանին մէջ գտնուող «Սքրիփս Ռիսըրչ» կեդրոնին մէջ: Ան զաւակն է գրող, թարգմանիչ, խմբագիր, թատերագիր եւ վիպագիր՝ Սարգիս Վահագնի (իսկական անուն եւ մականունը՝ Սարգիս Գաբրիէլ Փաթափութեան, ծնած՝ Հոկտեմբեր 7, 1927-ին, Պէյրութ – Լիբանան)։
