Արման Բաբաջանեանը Պարտադրանքի Տակ Է Ներողութիւն Խնդրելու Հ.Յ.Դ.-էն Եւ Գերագոյն Մարմինէն

0 0
Read Time:45 Second

 


ԵՐԵՒԱՆ.- Յուլիս 26-ին, Երեւան քաղաքի առաջին ատեանի ընդհանուր իրաւասութեան դատարանը, որոշեց «Յանուն հանրապետութեան» կուսակցութեան հիմնադիր, Ազգային ժողովի նախկին պատգամաւոր Արման Բաբաջանեանին պարտադրել, որպէսզի հրապարակային ներողութիւն խնդրէ Հայ Յեղափոխական Դաշնակցութենէն եւ կուսակցութեան Գերագոյն մարմնի բոլոր անդամներէն, նաեւ մէկ դրամ փոխհատուցում վճարէ:

Հ.Յ.Դաշնակցութիւնը եւ Գերագոյն մարմինը Երեւան քաղաքի առաջին ատեանի ընդհանուր իրաւասութեան դատարանին մէջ դատ բացած էին Արման Բաբաջանեանի դէմ` պահանջելով, որ հրապարակային վիրաւորանքի համար հրապարակային ներողութիւն խնդրէ եւ փոխհատուցում վճարէ՝ զրպարտութեան համար։

Բաբաջանեան 6 Դեկտեմբեր 2019-ին Հայաստանի Ազգային ժողովին մէջ ունեցած ելոյթին ընթացքին վիրաւորական եւ զրպարտիչ յայտարարութիւններ կատարած էր Հ.Յ.Դ. կուսակցութեան եւ անոր անդամներուն հասցէին: Այդ յայտարարութիւնները ոչ միայն չեն համապատասխաներ իրականութեան, այլ նաեւ կ՛արատաւորեն կուսակցութեան, անոր անդամներուն բարի համբաւը, պատիւը եւ արժանապատուութիւնը:

Դատարանը յայտարարեց, որ Արման Բաբաջանեան վճիռի օրինական ուժի մէջ մտնելէն հինգ օրացուցային օրուան ընթացքին պարտի հրապարակայնօրէն ներողութիւն խնդրել հայցուորներէն` վիրաւորական արտայայտութիւններուն համար՝ «Ֆէյսպուք»-էն կենդանի հաղորդման ճամբով։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՆՇՄԱՐ.- ԹՈՒՐՔԷՆ ՈՒ ԱԶԵՐԻԷՆ ՍՈՐՎԵԼԻՔ ՉՈՒՆԻՆՔ…
Next post ՆԱՀԱՏԱԿ ՀԵՐՈՍՆԵՐԸ ՀԱՐՑ ԿՈՒ ՏԱՆ.- Ի՞ՆՉ ՊԱՏԱՍԽԱՆ ՊԻՏԻ ՏԱՔ…

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles