Արժանթինահայ Հաստատութիւններու Միացեալ Մարմին

Read Time:20 Second

Հայոց ցեղասպանութեան հարիւրամեակին ոգեկոչման առթիւ կազմակերպուած ձեռնարկներուն արձանագրած բացառիկ յաջողութիւնը, որ արդիւնք էր Արժանթինահայ գաղութի բոլոր կազմակերպութիւններու միացեալ աշխատանքին, պատճառ հանդիսացաւ, որ ստեղծուի միացեալ մարմին մը բաղկացած գաղութի բոլոր կազմակերպութիւններէն: Գործադիր յանձնախումբը այս ուղղութեամբ աշխատեցաւ, որպէսզի ստեղծուած մարմինը օրինաւոր հանգամանք ստանայ:

Այս առթիւ Երեթշաբթի, Դեկտեմբեր 27ին Առաջնորդարանին մէջ, Գիսակ Մուրատեան սրբազան հօր ներկայութեան հանդիպում մը տեղի ունեցաւ եւ բոլոր կազմակերպութիւններու ներկայացուցիչներուն կողմէ համաձայնագիր մը ստորագրուեցաւ: