Լրահոս
Արարատ Միրզոյեան՝ Հ.Հ․ Արտաքին Գործոց Նախարար
ԵՐԵՒԱՆ.- Հ․Հ․ նախագահ Արմէն Սարգսեանի ստորագրած Օգոստոս 19-ի հրամանագրով, Արարատ Միրզոյեան արտաքին գործոց նախարար նշանակուած է։ Ազգային Ժողովի նախկին նախագահ՝ Միրզոյեան պիտի ստանձնէ այս պաշտօնը, որ թափուր էր Մայիսի աւարտէն ի վեր, երբ Արա Այվազեան հրաժարական ներկայացուցած էր:
Մինչ այդ շաբաթներէ ի վեր, արտաքին գործոց նախարարութեան պարտականութիւնները կը կատարէր առաջին տեղակալ Արմէն Գրիգորեան, որ զերծ կացուցուած էր Անվտանգութեան խորհուրդի քարտուղարի պաշտօնէն։ Օգոստոս 19-ին, վարչապետին ստորագրած որոշումով, ան դարձեալ նշանակուեցաւ Անվտանգութեան խորհուրդի քարտուղար:
