Լրահոս
Արամ Մանուկեանի Դիմաքանդակը Յանձնուեցաւ Հ.Յ.Դ. Թանգարանին
ԵՐԵՒԱՆ․- Հայաստանի Ա. Հանրապետութեան կերտիչ Արամ Մանուկեանի դիմաքանդակը յանձնուեցաւ Հ․Յ․Դ․ թանգարանին, ուր գոյութիւն ունի Հայաստանի Ա. Հանրապետութեան նուիրուած լայնատարած ցուցասրահ: Գանատահայ տաղանդաւոր քանդակագործ Մկրտիչ Տարագճեան պատրաստած է այս դիմաքանդակը, որ խոստացած էր բերել անցեալ Սեպտեմբերին, սակայն Պսակափեւ ժահրը խանգարած է իր ծրագիրը: Դիմաքանդակը տեղադրուեցաւ թանգարանի հանրապետութեան հիմնադիրներու միւս նմուշներուն կողքին:
Տարագճեանի փափաքն է, որ Հայաստանի մէջ գոյութիւն ունենայ առանձին թանգարան` Արամ Մանուկեանին նուիրուած: Հ․Յ․Դ․ Բիւրոյի ներկայացուցիչ Յակոբ Տէր Խաչատուրեան բարձր գնահատեց արուեստագէտին գործը:
