0
0
ՆԻՒ ԵՈՐՔ.- Ա.Մ.Ն. Արեւելեան շրջանի Առաջնորդարանը, Սեպտեմբեր 4-ին լոյս ընծայած հաղորդագրութեամբ մը կը տեղեկացնէ թէ, Մեծի Տանն Կիլիկիոյ Արամ Ա. Կաթողիկոսը, Շաբաթ, Սեպտեմբեր 6-ին Ուաշինկթըն պիտի ժամանէ, մասնակցելու համար Միջին Արեւելքի Քրիստոնեաներու պաշտպանման համար, յատուկ գիտաժողովի մը, որ տեղի պիտի ունենայ Օմնի Շորհամ պանդոկին մէջ:
Գիտաժողովը պիտի սկսի Սեպտեմբեր 9-ին եւ աւարտի 11-ին:
Կիրակի, Սեպտեմբեր 7-ին, Վեհափառը պիտի քարոզէ շրջանի Սուրբ Խաչ եկեղեցւոյ մէջ, որմէ ետք պիտի կատարուի Աջահամբոյր:
Երկուշաբթի, Արամ Ա. հիւրը պիտի ըլլայ տեղւոյն Լիբանանի դեսպան՝ Անթուան Շետիտին: Իսկ գիտաժողովէն ետք, Ուրբաթ Սեպտեմբեր 12-ին, Արամ Ա. պիտի հանդիպի Հ.Հ. դեսպանատուն եւ տեսակցի նորանշանակ դեսպան՝ Տիգրան Սարգսեանի: Ապա, կէսօրին, Վեհափառը հիւրընկալուի տեղւոյն Հայ Դատի Յանձնախումբին կողմէ:
