ԱՆԽՈՆՋ ԴԱՍՏԻԱՐԱԿԸ, ՈՐՈՒՆ ՑԱՆԱԾ ՍԵՐՄԵՐԸ ՊԻՏԻ ԾԱՂԿԻՆ (Անահիտ-Անի Օհանեան-Ալթունեանի Յիշատակին)

2 0
Read Time:1 Minute, 8 Second

Ալպընիի (Նիւ Եորք) Սուրբ Պետրոս հայկական շաբաթօրեայ դպրոցը խոր ցաւով կը գուժէ Անահիտ-Անի Օհանեան-Ալթունեանի մահը, որ պատահեցաւ Մարտ 3, 2022-ին։ Ան 40առասուն տարի շարունակ ծառայած էր իբրեւ տեսուչ, դաստիարակ հայ դպրոցին մէջ։ Ան նաեւ պատասխանատու էր ձեռնարկներու ու հանդիսութիւններու կազմակերպման, մշակութային եւ գեղարուեստական աշխոյժ նախաձեռնութիւններ կատարեց՝ հրաւիրելով հայ արուեստագէտներ, ծանօթացնելով հայ մշակոյթն ու մեր հարստութիւնները։ Անահիտ-Անի նաեւ իր շուրջ համախմբեց հայ ուսուցիչները՝ հայոց լեզուն վառ պահելով։
Կրթական մարզին զուգահեռ, Անահիտ-Անի Օհանեան-Ալթունեան նաեւ աշխուժ միութենական էր, Հ․Մ․Ը․Մ․-ի վարչական, Հայ դատին նեցուկ կանգնող եւ օգնող, հասարակական, մշակութային  կեանքին մէջ մնայուն ներկայութիւն։
Կարծես ան հայ դաստիարակի առաքելութիւն ունէր իր ուսերուն, իսկ անոր կեանքն ալ այդ առաքելութեան լաւագոյն դրսեւորումը եղաւ։ Արդարեւ, Ալպանի Նիւ Եորք գաղութին մէջ ունեցաւ մեծ ներդրում՝ այս օտար ափերուն իրերայաջորդ սերունդներ հայ պահելու, անոնց հայ գիր ու գրականութիւնը ծանօթացնելու, այբուբենը սորվեցնելու, հայ գիրք կարդալը քաջալերելու, հայ ոգին վառ պահելու առումով։
Քառասուն տարիներ շարունակ անխոնջ կերպով ծառայեց կրթական ասպարէզին, ամերիկահայ սերունդներուն մէջ սերմանեց այբուբենի նկատմամբ սէրը, անոնց սորվեցուց իրենց մայրենին։ Վստահ ենք, որ այդ սերմերը պիտի տան իրենց ծիլերը՝ իբրեւ երախտագիտութիւն անոր նուիրական առաքելութեան եւ շարունակութիւն անորւ տարած գործին։
Հողը թեթեւ գայ վրայ, թանկա՛գին Անահիտ-Անի։
Վստահ եղիր, որ յիշատակդ միշտ վառ պիտի մնայ եւ տարած աշխատանքդ արգասաւորուի ներկայ ու եկող սերունդներուն մէջ եւ անոնց ճամբով։ Քու ցանած սերմերդ անպայման ծիլ պիտի տան եւ ծաղկին՝ ծաղկեցնելով ամբողջ հաւաքականութիւնը։

Սգակիր

Happy
Happy
0 %
Sad
Sad
100 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Յայտարարութիւն
Next post ԿՐԿԻՆ «ՍՓԻՒՌՔԻ  ՂԵԿԱՎԱՐՄԱՆ ՀԱՐՑԸ. ՈՐՈՆՑՄՈՎ, ԻՆՉՊԷ՞Ս, ԻՆՉՈ՞Ւ»

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles