ԱՅՍ ՏԱՐՈՒԱՆ «ՊՈՍԹԸՆ ՓՈՓՍ»Ի ՀԱՅԿԱԿԱՆ ՅԱՅՏԱԳՐԻՆ ԵԼՈՅԹ ՊԻՏԻ ՈՒՆԵՆԱՅ ՅԱՍՄԻԿ ԹՈՐՈՍԵԱՆ

0 0
Read Time:53 Second

ՊՈՍԹԸՆ.- Հայ Մշակոյթի Բարեկամներու Հիմնարկը (Friends of Armenian Culture Society) յատուկ հաղորագրութեամբ մը, կը տեղեկացնէ թէ, Յունիս 3-ին, յաջորդաբար 66-րդ անգամ ըլլալով պիտի նշուի «Պոսթըն Փոփս»ի հայկական յատուկ երեկոն, հանրածանօթ «Սիմֆընի Հօլ» սրահին մէջ:
Այս տարուան հայրենի արուեստագէտն է, երիտասարդ օփերայի երգչուհի Յասմիկ Թորոսեան (սոփրանօ), որ հանդիսատեսներուն պիտի ներկայացնէ գործեր՝ Մոցարթէն, Կունոյէն, Պըրնշթայնէն եւ Բարսեղ Կանաչեանէն, նաեւ հայերէն տոհմիկ գործ մը:
Երեւան ծնած եւ աւարտած «Ռոմանոս Մելիքեան» եւ «Կոմիտաս» երաժշտանոցները, ան եղած է աշակերտը Գայանէ Գեղամեանի: 2008-ին, Թորոսեան տիրացաւ Հայաստանի «Գոհար Գասպարեան» մետալին: Ապա, տարի մը ետք, ան առաջին հանդիսացաւ Մոսկուայի մէջ կատարուած «Պելա Վոչէ» մրցանքին:
Արդէն իսկ, Յասմիկ Թորոսեան տիրացած է համբաւի, ելոյթներ ունենալով Պելճիքայի Օփերա Վլաներընի, Իտալիոյ Պոլոնիա քաղաքի «Թէաթրօ Քոմունալէ»ի եւ Փարիզի Ազգային նուագախումբին հետ:
2011-ին, Հռոմի մէջ Թորոսեան առաջին հանդիսացաւ «Մուզիքա Սաքրա» մրցանքին, եւ այդ թուականէն ի վեր անդամակցած է Հայաստանի «Ալեքսանտր Սպենդիարեան» օփերայի եւ պալէի ակադեմիային:
Նշենք թէ, «Պոսթըն Փոփս»ի ղեկավարն է մաէսթրօ Քիթ Լոքըրթը, որ այդ օր նաեւ ելոյթ պիտի ունենայ «Սիրք տը լա միւզիք» խումբին հետ:
Յաւելեալ տեղեկութիւններու համար.- www.FACSBoston.org:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles