Ա.Մ.Ն.-Ի ՀԱՅ ՄՇԱԿՈՒԹԱՅԻՆ ՄԻՈՒԹԵԱՆ ՎԻՃԱԿԱՀԱՆՈՒԹԻՒՆԸ ԿԱՏԱՐՈՒԵՑԱՒ

Read Time:2 Minute, 50 Second

Կիրակի, Յունուար 8, 2012-ին, Նիւ Ճըրզիի մէջ կատարուեցաւ Ա.Մ.Ն.-ի Հայ Մշակութային Միութեան վիճակահանութիւնը: Այս առթիւ կազմակերպուած էր յատուկ հաւաք մը, միութեան անդամներէն Հրայր Պարոնեանի բնակարանին մէջ: Յիսուն հրաւիրեալներ ժամանած էին այս հաւաքին, ուր տեղի ունեցան նաեւ սրտաբուխ նուիրատուութիւններ:

Կազմակերպիչ մարմինի անունով, խօսք առին Անժէլ Մանուկեան եւ Թալին Տաղլեան, որոնք շնորհակալութիւն յայտնեցին բոլոր անոնց որոնք ամէն ճիգ թափեցին այս աշխատանքը, հետեւողականօրէն կատարելու:

Յատկապէս շնորհակալութիւն յայտնեցին օրուայ նուիրատուներուն եւ միութեան գործունեայ անդամ` Հրայր Պարոնեանին, որ ամէնայն սիրայօժարութեամբ, իր երդիքէն ներս ընդունած էր օրուան հիւրերը:

Անոնց կողքին վիճակահանութեան յանձնախումբի անդամ էր նաեւ Յարութիւն Ժամկոչեան:

Ներկայ էին նաեւ Ա.Մ.Ն. Արեւելեան շրջանի Բարեջան Առաջնորդ Օշական Արք. Չօլոյեան եւ Առաջնորդական Փոխանորդ Անուշաւան Եպս. Դանիէլեան: Հ.Յ.Դ. Արեւելեան Ա.Մ.Ն.-ի Կեդրոնական Կոմիտէի ներկայացուցիչ Անդրանիկ Գասպարեան, Հ.Յ.Դ. Բիւրոյի նախկին անդամ` Վիգէն Յովսէփեան, որոնք կարճ պատգամներ փոխանցեցին, շեշտելով նմանօրինակ ձեռնարկներու կարեւորութիւնը եւ յատկապէս Սփիւռք – Հայրենիք անքակտելի կապը:

Ներկայ եին նաեւ, “Համազգային“ի Կեդրոնական Վարչութեան նախկին անդամ` Հրանդ Մարգարեան, Ա.Մ.Ն. Արեւելեան շրջանի Ուսումնական Խորհուրդի ներկայացուցիչ Յարութիւն Մսըրլեան եւ այլ ազգայիններ:

Վիճակահանութեան արդիւնքներն են.-

Առաջին` թիւ 00210.- Այտա Ղարիպեան (Վուտպրիճ, Նիւ Ճըրզի)

Ոսկեղէն` 14 Kt Gold Earring with 1 large enchanced blue diamond, and 3 small diamonds (տրամադրուած Դանիէլեան ոսկերչատան կողմէ).

Երկրորդ` թիւ 00277.- Սիրվարդ Զուռնակեան (Ռիչմընտ, Վըրճինիա)

Երկու անձերու համար նաւապտոյտ, կազմակերպութեամբ` Ա.Մ.Ն.-ի Հայ Մշակութային Միութեան.