0
0
Առ հասարակ ռուսական «Սուխոյ» օդանաւերը հռչակ սփռած են իրենց արտադրած հալածիչներով եւ ռմբաձիգներով: Իւրայատուկ է «Սուխոյ Սիւփըրճէթ 100»ի պարագան, որ կարճմիջակ հասողութիւն ունեցող ճամբորդատար «թռչնազգի» մըն է: Զարմանալիօրէն, այս տիպին անդրանիկ յաճախորդը Հայաստանի «Արմավիա»ն է…եւ ոչ թէ նոյնինքն արտադրող երկրի ազգային օդանաւային ընկերութիւնը՝ «Աէրոֆլոթ»ը:
Արդե՞օք այս իրողութիւնը կարելի է բացատրել, այն տրամաբանութեամբ կամ եզրակավութեամբ որ «Սուխոյ»ի բարձրաստիճան պատասխանատուներէն մէկը՝ հայազգի Միքայէլ Պօղոսեանն է:
Արդէն իսկ Ուլիանովսքի մէջ, աւարտած է «Արմավիա»ին յանձնուելիք հինգ տիպերէն առաջինը, որ կը կրէ ռուս աստղանաւորդ Եուրի Կակարինի անունը: 98 ճամբորդ փոխադրող «Սուխոյ Սիւփըրճէթ 100»ը, պիտի գործածուի Երեւան Մոսկուա բանուկ գիծին վրայ, Փետրուար 2011էն սկսեալ:
Լուսանկարներ՝ Վիքթորիա Չերնիշեվայի
