Գլխաւոր
44-Օրեայ Պատերազմի Հինգերորդ Տարելիցը
Հինգ տարի առաջՙ 27 Սեպտեմբեր 2020-ին, Ատրպէյճանը լայնածաւալ պատերազմ սկսաւ Արցախի Հանրապետութեան դէմ։Պաքու՝ Թուրքիոյ աջակցութեամբ, նախայարձակ ռազմական գործողութիւններ սանձազերծեց եւ լայնածաւալ յարձակման սկսաւ շփման գիծի գրեթէ բոլոր ուղղութիւններովՙ օդուժի, հրետանիի, անօդաչու սարքերու կիրառմամբ` հրթիռակոծելով նաեւ խաղաղ գիւղերը:
44 օր տեւած արիւնալի պատերազմին հետեւանքով, շատ է թիւը զոհերու եւ վիրաւորներու: Ըստ հաւաստի տուեալներու` հայկական կողմը ունեցաւ աւելի քան հինգ հազար զոհ:
Ատրպէյճանը գրաւեց Արցախի Հատրութի շրջանը, Շուշին, նաեւ հարաւային շրջանները:
9 Նոյեմբերի եռակողմ յայտարարութեամբ՝ հրադադար հաստատուեցաւ Ռուսիոյ, Հայաստանի եւ Ատրպէյճանի ղեկավարներու ստորագրութեամբ: Այսպէս Ատրպէյճանին յանձնուեցան Քարվաճառի, Ակնայի, Բերձորի շրջանները` բացառութեամբ Լաչինի միջանցքի, Հատրութի շրջանի քանի մը շրջաններ, Ասկերանի եւ Մարտակերտի շրջանի որոշ գիւղեր: Ռուս խաղաղապահներ տեղակայուեցան Արցախի եւ Ատրպէյճանի շփման գիծի, ինչպէս նաեւ Լաչինի միջանցքի երկայնքով:
Երեք տարի ետք՝ 19 Սերպետմբերին Ատրպէյճանը կրկին պատերազմ սկսաւ Արցախի դէմ՝ գրաւելով ամբողջ Արցախը։ Արցախահայութիւնը ամբողջութեամբ բռի տեղահանուեցաւ հայրենի իր երկրէն՝ փոխադրուելով Հայաստան։
Հինգ տարի անցած է եւ դեռ Պաքուի բանտերուն մէջ կը գտնուին բազմաթիւ հայ գերիներ, ներառեալ՝ Արցախի Հանրապետութեան ռազմաքաղաքական ղեկավարութեան ներկայացուցիչները:
