0
0
Հայաստան եւ Արցախ իր այցելութիւնը աւարտելէ ետք, Հ.Յ.Դ. Բիւրոյի Ներկայացուցիչ Յակոբ Տէր Խաչատուրեան այցելեց Արեւմտեան Ամերիկա, ուր կատարեց մէկ շաբաթ տեւողութեամբ պաշտօնական հանդիպումներ:
Պաշտօնական այցելութիւններուն եւ հանդիպումներու շարքին էին, Արեւմտեան Ամերիկայի Թեմի Ազգային Առաջնորդարանը, Ա․Մ․Ն․-ի Արեւմտեան Թեմի Առաջնորդարանը, Լոս Անճելըսի Հայաստանի հանրապետութեան հիւպատոսարանը, Հայկական-Ամերիկեան թանգարանը, “Շամլեան” Ազգային վարժարանը, Հայ Օգնութեան Միութիւնը, “Համազգային” Կրթական եւ Մշակութային ընկերակցութիւնը, Հայ Մարմնակրթական Ընդհանուր Միութիւնը, Հայ Երիտասարդաց Դաշնակցութիւնը եւ Հ․Յ․Դ․ “Շանթ” Ուսանողական միութիւնը:
Տէր Խաչատուրեան հանդիպումներ ունեցաւ գաղութի բազմաթիւ կազմակերպութիւններու եւ միութիւններու ղեկավարութիւններուն հետ: Այս հանդիպումներուն ընթացքին, Տէր Խաչատուրեան առիթը ունեցաւ ծանօթանալու իւրաքանչիւրի տարած գործունէութեան, ինչպէս նաեւ քննարկեց շրջանային հարցեր անդրադառնալով Հայաստանի եւ Արցախի իրավիճակին եւ անցուդարձերուն, քաջալերելով որ աւելի ամրապնդուի հայրենիքի հետ իրենց համագործակցութիւնը:
