«Առանց Նիկոլ Հայաստան» Ցոյց՝ Կազմակերպութեամբ Հ․Յ․Դ․ Երիտասարդներու

0 0
Read Time:1 Minute, 11 Second

ԵՐԵՒԱՆ․- Չորեքշաբթի, Մարտ 17-ին, Հ․Հ․ վարչապետ Նիկոլ Փաշինեան պիտի այցելէր կրթութեան, գիտութեան, մշակոյթի եւ մարմնակրթութեան նախարարութիւն: Հ․Յ․Դ․ Հայաստանի երիտասարդական միութեան անդամները` տեղեկանալով այս մասին, օր մը առաջ յայտարարութիւն տարածեցին եւ յայտնեցին, թէ մտադիր են փակել անոր ճամբան: Առաւօտեան արդէն նախարարութեան շէնքը չորս կողմէն շրջապատուեցաւ ոստիկաններուն կողմէ, ինչպէս նաեւ երկու կողմէն փակուեցաւ Վազգէն Սարգսեանի փողոցը:

Կառավարութեան շէնքէն դէպի կրթութեան, գիտութեան, մշակոյթի եւ մարմնակրթութեան նախարարութիւն` 500 մեթր տարածութիւնը հազարաւոր ոստիկաններու ընկերակցութեամբ եւ քանի մը ինքնաշարժներու շարասիւնով փոխադրուող Նիկոլ Փաշինեանին ցուցարարները դիմաւորեցին կառավարութեան շէնքին մօտ` «Դաւաճան» վանկարկումներով:

Երիտասարդներէն Գոռ Սարգսեան յիշեցուց, որ տարի մը առաջ, երբ նախարարութեան դիմաց նստացոյց կը կատարէին եւ կը պահանջէին տխրահռչակ նախարարին հրաժարականը, Նիկոլ Փաշինեան եկաւ, կանգնեցաւ իրենց առջեւ եւ խօսեցան: «Մենք կ՛ուզենք ցոյց տալ, թէ մէկ տարի յետոյ Նիկոլ Փաշինեանի իրական վիճակը եւ անոր իշխանութեան իրական պատկերը որն է. ան այսօր կը խուսափի Հայաստանի քաղաքացիներուն հետ հանդիպելէ, եւ կառավարութեան շէնքէն մինչեւ նախարարութիւն կը տեղափոխուի հազարաւոր ոստիկաններով: Անոր իշխանութիւնը բաղկացած է այս ոստիկաններէն», ըսաւ ան:

Այլ անդամ մը՝ Քրիստինէ Վարդանեան ըսաւ․- «Մենք երեք ընկերներով այստեղ ենք: Մենք կ՛ուզէինք ցոյց տալ այս ոստիկանապետութեան պատկերը, որ հիմա Հայաստանի մէջ իրականութիւն դարձած է։ Նիկոլ Փաշինեանը 500 մեթր վեր գտնուող իր աշխատասենեակէն 500 մեթր ներս գտնուող նախարարութիւն կրնայ այցելել հազարաւոր ոստիկաններու ուղեկցութեամբ: Տեսէք` ժողովրդավարութիւն յորջորջող մարդը, խումբը ինչպէ՛ս կը տեղաշարժի, եւ դուք որոշեցէք` կ՛ուզէ՞ք այսպիսի ղեկավար ունենալ, թէ՞ ոչ… Երեք ընկերով այստեղ ենք, բայց շրջապատուած ենք այսքան ոստիկաններով», եզրակացուց ան:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles