Տօնդ Շնորհաւոր՝ Հայկական Բանակ

0 0
Read Time:2 Minute, 14 Second

p2 shaptvan nage    soldiers-Echmiadzin-church-armyԳ. Պետիկեան

Յունուար 28, 1992-ին, ծնունդ առած է մեր բանակը, որ ուրիշ բան չէ, եթէ ոչ ազգային մեր կերպարի, հաւատքի, ոգիի եւ խաղաղութեան պաշտպանը եւ որ ունի արմատներ, որոնք կը գտնուին մեր պատմութեան հողմակոծ դարերու խորքին մէջ:
Եւ ամէն տարի, Յունուար 28ին համայն հայութիւնը կը տօնէ իր բանակին ծննդեան տարեդարձը:
Ու այս թուականը նուիրական է մեր ժողովուրդի տարերգութեան մէջ: Դարերէ ի վեր երազած էինք ունենալ զինք: Ահա թէ ինչո՞ւ համազգային ուրախութեամբ եւ հպարտութեամբ կը դիմաւորենք մեր զինեալ ուժերուն ծննդեան օրը կամ այս տարեդարձը:
Հայ ենք ու պատմութիւնը վկայ իբրեւ բանակ համայն ժողովուրդով, մեր այրուձիով, մեր մեծով ու պզտիկով միշտ կռուած ենք կեանքի, ազատութեան եւ մահուան համար:
Քաջութիւն, նուիրում եւ հերոսութիւն մեզ դարերէ ի վեր առաջնորդած են դէպի առաջ, խրոխտ յաղթանակներու եւ յաւերժական կեանքի ու յաւիտենականութեան:
Ահա մեր բանակին եւ անոր ծառայող հայորդիներուն յատկանիշներն ու չափանիշները:
Հաւատացէ՛ք, աշխարհի վրայ չկայ ուրիշ ժողովուրդ, որ այնքան զոհաբերած ըլլայ իր երկրի ազատութեան եւ յանուն անոր անկախութեան: Եւ այս բոլորը շնորհիւ մեր բանակին, որ ունի պատմական նշանակալից առաքելութիւն:
Այս է մեր ազգային կեանքի գաղտնագիրը, որ իբրեւ պատգամ սերունդէ սերունդ մեզի փոխանցուած է հաստատապէս: Այս է նաեւ մեր՝ իբրեւ ազգ եւ ժողովուրդ յաւիտենապէս ապրելու իմաստը հաստատող բանաձեւը:
Բայց պէտք է անպայման շեշտել, թէ մենք խաղաղասէր ժողովուրդ ենք: Մեր արարիչը իբրեւ մեծ խաղաղարար՝ ոչ միայն միշտ պահած է իր խաղաղասէրին, այլ անոր շնորհած ու պարգեւած է անուրանալի կորով, քաջարի ոգի, ազատատենչ շունչ եւ հայրենապաշտ քաջութիւն:
Ահա եւ մենք եւ մեր բանակը:
Լաւատեղեակ ենք ու խոր յարգանքով կը յիշենք Արցախեան պատերազմին արիւնոտ պայքարն ու մեծ յաղթանակը, հայ զինուորին քաջարի ծառայութիւնը, օրինակելի գիտակցութիւնը, հայրենիքի հողի ազատութեան ի խնդիր անոր թափած սուրբ արեան նպատակը:
Մեզի համար այս բոլորը ոչ միայն նորութիւններ են այլ նաեւ ներշնչման աղբիւրներ: Անոր համար բարձրաձայն կÿաղաղակենք, որ մեր բանակը մեր արժանապտուութիւնն է, մեր հպարտութիւնն է եւ մեր լինելիութեան յաւերաժութիւնը: Ան նաեւ է մեր պատիւն ու յաղթանակը:
Մեր բանակը կարգապահ մարդոց տեղն է եւ որուն ծառայողը լաւատեղեակ է խաղաղութեան, անոր պաշտպանման արժէքին ու իմաստին:
Մեծ գուրգուրանքի եւ պաշտամունքի առարկայ է հայ բանակը: Մեզի համար նաեւ առաջնահերթ պարտականութիւն անտարբեր չմնալ: Ոչ մէկ կասկած եւ տարակուսանք: Պէտք է անոր զօրակցիլ: Միշտ արդիական դարձնել ու պահել: Մասնագէտներով օժտել: Վստահութիւն եւ հաւատք ներշնչել ու այս ձեւով ամրապնդել նաեւ մեր յոյսերը:
Մեր ժողովուրդը միշտ բարձր գնահատած է հայ բանակի անդամներուն հայրենասիրական օրինակելի ոգին:
Մեր այս տողերը պարզ պաշտամունքի մը ծնունդն են, որովհետեւ կը հաւատանք, որ մեր բանակը մեր երկիրը դէպի լուսաւոր ճանապարհն ալ կ՛առաջնորդէ:
Յունուար 28ը մեր բանակի սեփականութեան հրճուանքն է, որ մեզ կը խանդավառէ, որովհետեւ ան է որ մեր հողին ապահովութիւնը կ՝երաշխաւորէ:
Թող որ մեր ազգային բանակին ծառայելը, բոլորիս համար հպարտութիւն ըլլայ:
Ուստի, ի սրտէ բարի մաղթանք մը մեր բանակին ու անոր մեծ ու փոքր բոլոր զինեալ նուիրեալներուն:
Տարեդարձդ շնորհաւոր՝ հայկական բանակ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles