Ֆրանսա.- Արցախի Հետ Գործակցութեան Արգիլման Հարցին Կապակցութեամբ՝ Տեսակցութիւն Արտաքին Գործոց Նախարարութեան Հետ

0 0
Read Time:57 Second

FRANCE ARTSAKH

ՓԱՐԻԶ («Նոր Յառաջ»).- Ֆրանսահայութիւն ներկայացնող պատուիրակութիւն մը, բաղկացած իր երկու համանախագահներէն՝ Մուրատ Փափազեանէ եւ Արա Թորանեանէ, Երեքշաբթի, Յուլիս 28ին ընդունուեցաւ Արտաքին Գործոց նախարարութիւն՝ Քէ տ՚Օրսէ,: Անոնք իրենց բողոքն ու ցասումը յայտնեցին Լօրան Ֆապիուսի եւ Պեռնար Քազնէօվի կողմէ ստորագրուած այն շրջաբերականին կապակցութեամբ, որ կը նախատեսէ «ֆրանսական տեղական հաւաքականութիւններուն արգիլել գործակցութեան որեւէ համաձայնագիր կնքել ֆրանսական կառավարութեան կողմէ չճանչցուած միաւորներու, ինչպէս՝ Արցախի հետ»:
Հայկական պատուիրակութիւնը, որ ընդունուած է Արտաքին գործոց նախարարութեան ապահովութեան եւ ռազմավարական հարցերու խորհրդականին կողմէ, յիշեցուցած է Արցախի կացութիւնը եւ անոր՝ ռազմատենչ Ատրպայճանի կողմէ ենթարկուած կղզիացումէն դուրս գալու իրաւունքը, պահանջելով՝ որ Ֆրանսայի Արտաքին Գործոց նախարարութեան կողմէ Արցախը ընդգրկուի ապակեդրոնացեալ գործակցութեան շրջանակին մէջ եւ տեղեկութիւն տրուի օրէնսդրական այն շրջանցումներուն մասին, որոնք կարելի կը դարձնեն Արցախի համայնքներուն գործակցութիւնը Ֆրանսայի տարածքային հաւաքականութիւններուն հետ:
Իրենց պաշտօնակիցը՝ Կիյոմ Օլանիէ դիտել տուաւ, որ այս շրջաբերականին նպատակն է նահանգապետերուն յիշեցնել ապակեդրոնացեալ գործակցութեան օրէնսդրական շրջանակը եւ նշել տեղական ընտրեալներուն, որ կարելի չէ Ֆրանսայի կողմէ չճանչցուած հողատարածքերը օրինապէս ճանչնալ որպէս անկախ պետութեան մը պատկանող տարածքներ: «Բայց ատիկա չի նշանակեր, թէ կարելի չէ յարաբերութիւններ հաստատել եւ զանոնք զարգացնել» ըսաւ ան: Օլանիէ յանձնառու եղած է Ներքին Գործոց նախարարին հետ տեսակցելով՝ հարցը յստակացնելու եւ նախկին շրջաբերականին որեւէ սխալ մեկնաբանութեան առաջքը առնելու:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles