ՖԻԼԱՏԵԼՖԻՈՅ ՄԷՋ ՀԱՄԱԶԳԱՅԻՆԻ ԵՐԳԱՀԱՆԴԷՍ

0 0
Read Time:1 Minute, 15 Second

phl 141

 

ԱՆԻ ԱՂԱՃԱՆԵԱՆ

Համազգային Հայ Կրթական եւ Մշակութային Միութեան Ֆիլատելֆիոյ մասնաճիւղի կողմէ կազմակերպուած դասական երաժշտութեան երգահանդէսը նուիրուած Եղեռնի 100ամեակին տեղի ունեցաւ Շաբաթ, Մարտ 21, 2015 երեկոյեան ժամը 7։30ին, Ֆիլատելֆիոյ Սուրբ Գրիգոր Եկեղեցւոյ սրահին մէջ։

Երեք վաստակաւոր երգչուհիներ եւ երգիչներ, կը ներկայացնէին սփիւռքի երեք իրարայաջորդ  սերունդներ, Մարուշ Բանէեան-Նայկոն (Սոփրանօ), Պարիկ Նալպանտեան (Սոփրանօ) եւ Վարդան Գաբրիէլեան (պէյս¬պարիթօն), ընկերակցութեամբ դաշնակահար Կէրի Կրէսի։

Ներկայ էին գաղութիս եկեղեցիներու հոգեւոր հայրերը, հայկական դպրոցի քոյրերը եւ շուրջ 250է աւելի հանդիսականներ։

Համերգը սկսաւ Համազգայինի Վարչութեանատենապետուհի տիկին. Անի Աղաճանեանի բացման խօսքով, որուն ընթացքին ան անդրադարձաւ, թէ ինչպէս 1915ի Եղեռնի յաջորդող Հայոց ճգնաժամային պայմանները եւ Հայաստանի առաջին հանրապետութեան անկումը ծնունդ տուին Համազգայինի հաստատման 1928ին Գահիրէի մէջ ինը հայ մտաւորականներու կողմէ։ Արդ Համազգայինի հիմնական առաքելութիւնը եղաւ հայ կրթութեան եւ մշակոյթի պահպանումն ու զարգացումը Սփիւռքի մէջ։

Համերգի առաջին մասը կը բաղկանար հետեւեալ երգահաններու օփերաներէն կտորներ, Wolfgang Amadeus Mozart, Jacques Offenbach, Leo Delibes, Sergei Rachmaninoff եւ  Leonard Bernstein իսկ երկրորդ մասը ամբողջութեամբ նուիրուած էր Կոմիտաս Վարդապետին։

Յուզիչ եւ հմայիչ էր պատկերը, արդարեւ ջարդէն ճողոպրած հայերու յաջորդ սերունդները հպարտութեամբ եւ հաստատակամութեամբ բեմ կը բարձրանային յարգելու մեր նահատակներուն յիշատակը եւ ցոյց տալու աշխարհին թէ ինչպէս Պարոյր Սեւակ կըսէ.- “Կանք պիտի լինենք ու դեռ շատանանք“ ։

Համերգը վերջացաւ հանդիսատեսներու ոտնկայս բուռն ծափահարութիւններով, որուն երգիչները ընդառաջեցին դարձեալ երգելով տարբեր կտորներ։

Ատենապետուհին իր փակման խօսքին մէջ շնորհակալութիւն յայտնեց համերգի հովանաւորողներուն, բարերարներուն, յանձնախումբի անդամներուն եւ ներկաներուն։

Նահատակներուն յիշատակը ոգեկոչելու համար սրահը զարդարուած էր շքեղ սեղանով մը որուն վրայ խաչքարի մը շուրջը դրուած էր 100 վառուած կանթեղներ, խորհրդանշելու Եղեռնի 100ամեակը։

Ներկաները հիւրասիրուեցան շամբանիայով եւ զանազան անուշեղէններով։

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles