ՕՊԱՄԱ ՊԻՏԻ ՉՃԱՆՉՆԱՅ…

0 0
Read Time:1 Minute, 6 Second

 

 

 

p1

ՈՒԱՇԻՆԿԹԸՆ.- Ամերիկահայ ղեկավարներու հետ Ապրիլ 21ի յետմիջօրէին կայացած հանդիպումի մը ընթացքին, նախագահ Պարաք Օպամայի անձնակազմի պետ Տենիս ՄըքՏանա եւ նախագահի ազային ապահովութեան խորհրդականի տեղակալ Պէն Ռոտս յայտնեցին, թէ Օպամա այս տարի եւս որոշած է Հայոց Ցեղասպանութիւնը չճանչնալ Ապրիլ 24ին հրապարակուելիք եւ հարիւրամեակին նուիրուած իր տարեկան յայտարարութեան մէջ։

Հայ Դատի յանձնախումբի ատենապետ Քեն Խաչիկեան, յայտնեց թէ. “Մինչ աշխարհի ուշադրութիւնը կեդրոնացած է Հայոց Ցեղասպանութեան հարիւրամեակին ոգեկոչման ձեռնարկներուն վրայ, նախագահ Օպամա ցաւալիօրէն մեր երկրի բարոյական դիրքը պիտի օգտագործէ ոչ թէ ճշմարտութիւնը պաշտպանելու, այլ պարտադրելու օտար երկիրի մը գրաքննութեան հրահանգը։ Ան գործնականին մէջ Ռեճեպ Էրտողանին յանձնած է Հայոց Ցեղասպանութեան վերաբերեալ Միացեալ Նահանգներու քաղաքականութիւնը։ Թուրքիոյ անձնատուր ըլլալու նախագահին կեցուածքը ազգային ամօթ մըն է եւ յստակօրէն դաւաճանութիւն մըն է՝ իրականութեան եւ վստահութեան: Իբրեւ ամերիկահայեր եւ հակառակ նախագահ Օպամայի յաջորդական անձնատուութեանց, պիտի շարունակենք, մեր դաշնակիցներուն հետ միասին, յաւելեալ կորովով ու կամքով, Հայոց Ցեղասպանութեան արդար լուծումը գտնելու պայքարը”, եզրակացուցած է Խաչիկեան։

Նախագահ ընտրուելէ առաջ, Օպամա խոստացած էր ճանչնալ իր կողմէ իսկ ,անհերքելիե որակուած Հայոց Ցեղասպանութիւնը։

Քոնկրէսական Ատամ Շիֆ խորապէս հիսաթափուած է նախագահ Պարաք Օպամայի որոշումէն։

“Խորապէս հիասթափուած եմ, որ նախագահը հերթական անգամ չի կրնար ճիշդ գնահատել 1,5 միլիոն հայերու բնաջնջումը 1915-23 թուականներուն եւ ճանչնալ, որ ատիկա Ցեղասպանութիւն է: Որքա՞ն պէտք է սպասեն զոհերն ու անոնց ժառանգները, մինչեւ որ մեր երկիրը այնքան համարձակութիւն ունենայ, որ հաստատէ ճշմարտութիւնը…” յայտնեց քոնկրէսականը:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles