Փրանկիսկոս Պապը Ընդունեց Հ․Հ․ Նախագահ Արմէն Սարգսեանը

0 0
Read Time:55 Second


ՎԱՏԻԿԱՆ․- Երկուշաբթի, Հոկտեմբեր 11-ին, Փրանկիսկոս Պապը ընդունեց Հայաստանի Հանրապետութեան նախագահ Արմէն Սարգսեանը։
«Ջերմ քննարկումներու ընթացքին լուսարձակի տակ առնուեցան Սուրբ Աթոռի եւ քրիստոնէական հնագոյն աւանդութիւններով երկրի` Հայաստանի միջեւ երկկողմանի յարաբերութիւններու զարգացման եւ ամրապնդման վերաբերող հարցերը: Կողմերը կեդրոնացան նաեւ միջազգային եւ շրջանային քաղաքականութեան հարցերուն վրայ», նշուած է Սուրբ Աթոռի մամլոյ ծառայութեան տարածած հաղորդագրութեան մէջ:
Ապա նախագահ Սարգսեան հանդիպումներ ունեցաւ Վատիկանի արտաքին գործոց նախարար գերապայծառ Փիեթրօ Փարոլինի եւ Փոլ Ռիչըրտ Կալակերի արքեպիսկոպոսին հետ:
Հ․Հ․ նախագահը իր կնոջ հետ Վատիկանի մէջ այցելեց Սուրբ Պետրոսի մայր տաճար, շրջեցաւ տաճարին մէջ, դիտեց տաճարի արտաքին որմնախորշին մէջ տեղադրուած Սուրբ Գրիգոր Լուսաւորիչի արձանը: Ան նաեւ այցելեց եւ ծաղիկներ զետեղեց Վատիկանի պարտէզներուն մէջ տեղադրուած հայ ժողովուրդի մեծ զաւակ, Տիեզերական եկեղեցւոյ վարդապետ հռչակուած Սուրբ Գրիգոր Նարեկացիի պրոնզաձոյլ արձանին: Նախագահ Սարգսեան նշեց, որ Գրիգոր Նարեկացին ու անոր ձգած ժառանգութիւնը քրիստոնեայ երկու համայնքներու համերաշխութեան յաւերժական խորհրդանիշ են:
Նախագահ Սարգսեան վերահաստատեց Սուրբ Աթոռին հետ միջպետական յարաբերութիւնները աւելի խորացնելու Հայաստանի շահագրգռութիւնն ու յանձնառութիւնը` նշելով, որ այդ յարաբերութիւնները միշտ ուշադրութիւն գրաւած են բարձր քաղաքական երկխօսութեամբ եւ հիմնուած են ոչ միայն քրիստոնէական արժէքներուն, այլ նաեւ ընդհանուր պատմական ու հոգեւոր ժառանգութեան, ժամանակակից աշխարհի մարտահրաւէրներուն վերաբերեալ համանման մօտեցումներուն վրայ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles