0
0
ՈՒԱԹԸՐԹԱՈՒՆ.- Երկուշաբթի Յուլիս 8-ին, Մասաչուսէցի ոստիկանապետ Փիթըր Գութուճեան (Դեմոկրատական), որ իր թեկնածութիւնը առաջադրած է, Քոնկրէսի Ներկայացուցիչներու տան թափուր աթոռի լրացուցիչ ընտրութիւններուն, այցելեց “Հայրենիք“:
Այս հանդիպման ներկայ էին ներկայացուցիչներ Հայ Դատի Ա.Մ.Ն. Արեւելեան շրջանի, Պոսթընի Հ.Յ.Դ. “Սարդարապատ“ Կոմիտէի, Համազգայինի, Հ.Օ.Մ.-ի եւ Հ.Մ.Ը.Մ.-ի ներկայացուցիչներ: Այս հանդիպումէն ետք տեղի ունեցաւ հիւրասիրութիւն “Բաբգէն Սիւնի“ ակումբէն ներս:
Նշենք թէ, ԳութուճՆանեան պիտի մասնակցի Մասաչուսէցի հինգերորդ ընտրաշրջանի քոնկրէսական աթոռին շուրջ պայքարին, փոխարինելու համար Էտ Մարքին, որ Յունիս 25-էն ի վեր ընտրուած է ծերակուտական, փոխարինելով Արտաքին Գործոց նախարար ընտրուած Ճոն Քերին:
52 տարեկան Գութուճեան (ծնած` 1961-ին), իր նախընտրական քարոզարշաւին գծով պատրաստած է տեսաերիզ մը, որուն մէջ կը ներկայացնէ իր քաղաքական գործունէութիւնը: Նաեւ, ան կ՛անդրադառնայ, իր հայկական արմատներուն մասին:
Նշենք թէ, Գութուճեան անցեալ Նոկեմբերին քուէներու աւելի քան 77 առ հարիւր համեմատութիւնը ստանալով, վերընտրուած էր Միտըլսէքսի (Մասաչուսէց)
շէրիֆ:
