Փարիզ.- Ի Նպաստ Հայ Դատին Հանգանակուեցաւ 3,860,000 Տոլար

0 0
Read Time:1 Minute, 57 Second

 

p2-3-new3ՓԱՐԻԶ.- Դեկտեմբերի 10-ին, Փարիզի Էլիզէ պալատի մօտակայ «Սերքլը Տը Լ՛Իւնիոն Էնթերալիէ» դահլիճին մէջ, Հ.Յ.Դ. Բիւրոյի նախաձեռնութեամբ, կայացաւ Հայ Դատի աշխատնքներու հզօրացման ու աջակցութեան համար կազմակերպուած դրամահաւաք-ճաշկերոյթը։
Պատուոյ սեղանի շուրջ էին Մեծի Տանն Կիլիկիո կաթողիկոս Արամ Ա. վեհափառը, Հ.Հ. Արտաքին Գործոց նախարար Եդուարդ Նալպանտեանը, Վատիկանի եւ Ֆրանսայի Հ.Հ. արտակարգ եւ լիազօր դեսպաններ՝ Միքայէլ Մինասեանն ու Վիգէն Չիթեչեանը, «Փիւնիկ» հիմնադրամի նախագահ Լեւոն Սարգսեանն ու պատուոյ նախագահ Գաբրիէլ Չեմպերճին, Ֆրանսայի Հայոց թեմի Առաջնորդ Տ. Վահան եպս. Յովհաննիսեանը, Թեհրանի Հայոց թեմի Առաջնորդ Սեպուհ արք. Սարգսեանը, Լիբանանի խորհրդարանի անդամ եւ Հ.Յ.Դ. Լիբանանի Կեդրոնական կոմիտէի ներկայացուցիչ Յակոբ Բագրատունին։p2-3-bis
Ողջունելով ներկաներուն եւ Հայ Դատին հանգանակութեան մասնակցած բոլոր բարերարներուն, Հ.Յ.Դ. Բիւրոյի ներկայացուցիչ Հրանդ Մարգարեան անդրադարձաւ Հայ Դատի յանձնախումբերու գործունէութեանն ու աշխատանքի քաղաքական ու ռազմավարական կարեւորութեան։ «Հայ Դատի պայքարն անցեալի համար չէ։ Հայաստանի Հանրապետութեան, այսօրուայ Հայաստանի անվտանգութեան պայքար է»,- շեշտեց ան։
Ան ցաւով արձանագրեց, որ այս բնագաւառին մէջ աշխատող շատ քիչ թիւով կազմակերպութիւններ կան, այդ իսկ պատճառով՝ ճակատագրով այդ գործը վիճակուած է Հ.Յ. Դաշնակցութեան։ Մարգարեան յիշեցուց վերջին թարմ օրինակը, երբ Ատրպէյճա՚նը կը բողոքէ այն փաստին դէմ, որ Ֆրանսայի նորանշանակ ներքին գործերու նախարարը իրենց «սեւ ցանկ»ին վրայ է, որովհետեւ Հայ Դատի յանձնախումբի նախաձեռնութեամբ այցելած է Արցախ։
«Մենք հարուստ չենք, բայց նուիրումով, փոքր գումարով հսկայ գործ կը կատարուի։ Մենք պետք է միախմբուինք»,յայտնեց Արամ Ա Վեհափառը։
Նախարար Եդուարդ Նալպանտեանը ողջոյնի իր խօսքին մէջ յիշեցուց տաս տարի առաջ, Փարիզի մէջ կայացած «Փրօ Արմենիա» խորագրով կայացած համաժողովը, երբ դեռ դեսպան էր Ֆրանսայի մէջ։ «Ոչ բոլոր ժողովուրդներն ունեն իրենց անունով դատ, երազում ենք գայ մի օր, որ այդ դատը լուծուի», շեշտեց նախարարը։
Հայ Դատի մասին յաւելեալ մանրամասնութիւններ փոխանցեց Բիւրոյի անդամ, Հայ Դատի Կեդրոնական խորհուրդի ատենապետ Յակոբ Տէր Խաչատուրեանը։ Ան յատուկ պատրաստուած սահիկներով եւ պատրաստուած վաւերագրակակկերով ներկայացուց յանձնախումբերու եւ գրասենեակներու կատարած գործը, ապա ներկայացուց թուական հաշուետուութիւն ։
Հանդիսութեան աւարտին կատարուեցաւ դրամահաւաք: 250 հազարական տոլարի նուիրատուութիւններ կատարած էին Գագիկ Ծառուկեանն ու Սամուէլ եւ Կարէն Կարապետեանները, 150 հազար՝ Սամուէլ Ալեքսանեանը, 100 հազարական տոլարի՝ Միքայէլ Վարդանեանը, Կարէն Վարդանեանը, «Փիւնիկ» հիմնադրամը, Մայքըլ Սարեանը։ Հանգանակուած գումարը՝ երեք միլիոն 860 հազար տոլար էր։
Նշենք, որ նոյն օրերուն մէջ Փարիզի մէջ կը կայանար Եւրոպայի տարածքի Հայաստանի դեսպաններու հաւաքը, Հ.Հ. Արտաքին Գործերու նախարար Եդուարդ Նալպանտեանի եւ եւրոպական միջազգային կառոյցներու Հ.Հ. մշտական ներկայացուցիչներու հետ։ Այս առիթը օգտագործելով, Հայ Դատի յանձնախումբը հանդիպեցաւ նախարարին հետ եւ աւելի քան չորս ժամ տեւող խորհրդակցութեան ընթացքին, քննարկուեցան շարք մը կարեւոր հարցեր։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles