ՏԵՐԵՒԱԹԱՓ .- ՄԱՐԱԼ ՄԵԼՔՈՆԵԱՆԻ ՅԻՇԱՏԱԿԻՆ

0 0
Read Time:1 Minute, 33 Second

maral 2

Յովսէփ Աւագեան

(Դամբանական՝ կարդացուած, թաղման արարողութեան օրը)

Ուաշինկթըն

Ուաշինկթընի Հայ համայնքը սուգի մէջ է այսօր։ Ֆիզիքապէս առյաւէտ կորսնցուցինք մեր բոլորին սիրելի Մարալ Մելքոնեանը։

Ընկեր Արայի եւ Հայկոյի ու …. կորուստը չէ միայն Մարալին վաղաժամ մահը, այլեւ՝ Համաստեղ Հայ Վարժարանին, որուն նստարաններուն ետին տարիներ շարունակ Մարալը ստացաւ իր հայեցի մայրենի դաստիարակութիւնը։

Կորուստ էր Հ.Մ.Ը.Մ.ի Ուաշինկթընի մեծ ընտանիքին, որուն սկուտական եւ մարզական շարքերուն մէջ Մարալը ծառայեց իր բովանդակ պատանեկութեան եւ երիտասարդութեան օրերուն։
Ան դարձաւ պատասխանատու իրեն յաջորդող սերունդներու ,Բարձրացի՛ր, Բարձրացո՛ւրե դաստիարակութեան։
Մարալը կորուստ էր հայ Երիտասարդաց Դաշնակցութեան, որուն անդամակցեցաւ շատ փոքր հասակէն եւ որուն հաւատարիմ մնաց մինչեւ վերջ։maral1
Ուաշինկթընի Համայնքի ազգային¬միութենական կեանքին մէջ, Մարալը ներկայ էր միշտ իր հեզութեամբ, անսակարկ նուիրումով, հաւատքով ու մանաւանդ ապագայ սերունդներուն հասնելու նպատակով։ Առաքինի ու անբասիր խորագրով օժտուած ընկերուհի, քոյր Մարալը չբաւարարուեցաւ Ուաշինկթընով։ Իր ծառայութեան դաշտը տեղափոխեց Հայաստան, ուր դարձաւ Հ.Ե.Դ.ի ճամբարի պատասխանատու ,Մաքուր պահէ հայրենիքըե նշանաբանին, նուիրուած ծրագրին։
Մարալը, իր ընտանեկան եւ միութենական դաստիարակութեան որպէս պտուղ իր կեանքի ընկերն անգամ ընտրեց Հայաստանէն։
Ամուսնացաւ Տիգրան Աւետիսեանին հետ այն երազանքով, որ իրենց զաւակները պիտի դառնային վաղուան Հայաստանի քաղաքացիները։ Դժբախտաբար, Մարալի վաղահաս մահը փշրեց այդ երազանքը։
Ուաշինկթընի հայ համայնքի յիշողութեան մէջ անմար պիտի մնայ Մարալի յիշատակը։ Իր միութենական ընկերները, Համաստեղ Վարժարանի տարեկից շրջանաւարտները առյաւէտ պիտի յիշեն Մարալը, այն Մարալը որ Ս. Խաչ եկեղեցւոյ սրահին մէջ էր միշտ երբ ազգին կանչը կը հնչէր։ Մարալը ներկայ պիտի ըլլայ հոն, բոլորին հետ, որոնք պիտի շարունակեն ծառայել հայ լեզուին, Հայ դպրոցին, Հ.Մ.Ը.Մ.ին ու Հայ Երիտասարդաց Դաշնակցութեան։ Մարալի անսակարկ նուիրումի ճառագայթող փարոսը պիտի խթանէ իր գործը շարունակելու կոչուած իր քոյրերը, եղբայրներն ու ընկերները։
Բնական է, որ սուգի ու մահուան տխուր առիթներով մենք ցաւակցինք ընկ. Արային ու իր ընտանիքին հետ, սակայն այս պահուս կþուզենք կիսել իրենց տարիներու դաստիարակութեան հունձքը, հունձք մը, որուն հատիկները ծնունդ առին Արայով, Հայկոյով, Համաստեղ Վարժարանով, Հ.Մ.Ը.Մ.ով ու Հ.Ե.Դ.ով։

Գործդ շարունակելի՝ սիրելի Մարալ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles