«Տագնապի Լուծման Հարցին Մէջ Դիւանագիտութեան Այլընտրանք Գոյութիւն Չունի» Կը Յայտարարէ Ուորլիք

0 0
Read Time:1 Minute, 34 Second

p3 warlick

ԵՐԵՒԱՆ«- Նոյեմբեր 10-ին, ԵԱՀԿ-ի Մինսքի խմբակի ամերիկացի համանախագահ Ճէյմս Ուորլիք «Արմէնփրես»-ի հետ հարցազրոյցի մը ընթացքին յայտնեց. «Համանախագահներու շրջան կատարած վերջին այցելութեան ընթացքին նախագահները խոստացան հանդիպիլ մինչեւ տարեվերջ: Համանախագահները արտաքին գործոց նախարարներուն հետ նախապատրաստական աշխատանքներ կը կատարեն այդ ուղղութեամբ: Կ՛ակնկալենք, որ հանդիպումին ընթացքին նախագահները կը քննարկեն լուծման հիմնական տարրերը: Մենք անոնց կոչ կ՛ուղղենք օգտագործելու կարելիութիւնը` նուազեցնելու համար լարուածութիւնը, վերջ դնելու բռնութեան եւ խուսափելու զոհերէն, ներառեալ անմեղ քաղաքացիներու շրջանակին մէջ»:
Անդրադառնալով տագնապին խաղաղ լուծման ու համաձայնագիրի ստորագրման խոչընդոտող խնդիրներուն, ամերիկացի համանախագահը յայտնեց. «Խաղաղութեան մեծագոյն խոչընդոտը բանակցութիւններու միջոցով խնդիրի արդար եւ տեւական լուծման հասնելու ուղղուած քաղաքական կամքի բացակայութիւնն է Հայաստանի եւ Ազրպէյճանի մէջ: Մենք բազմիցս նշած ենք, որ բանակցային միջոցներով ձեռք բերուած լուծումը տեւական ժամանակ այս տագնապէն վնասուած շրջանին պիտի բերէ խաղաղութիւն եւ բարգաւաճում: Համանախագահները պիտի շարունակեն այս տագնապին լուծման ուղղուած իրենց ջանքերը, այնքան ատեն որ տակաւին կողմերը կարեւոր կը նկատեն մեր դերը, սակայն վերջնական որոշումը պէտք է տան նախագահները»:

Պատասխանելով ղարաբաղեան տագնապի լուծման հոլովոյթին մասին փորձագէտներու եւ քաղաքագէտներու այն կարծիքին, թէ տեղի ունեցողը «բանակցութիւններ յանուն բանակցութիւններու» է, Ուորլիք ըսաւ. «Դիւանագիտութիւնը այլընտրանք չունի: Առանց համանախագահներու աշխուժ միջնորդութեան եւ բանակցութիւններուն մէջ կողմերու մասնակցութեան, զինուորական ճամբով տագնապին լուծման վտանգը կը մեծնայ: Անցեալ հոկտեմբերին կողմերը խոստացան աշխուժացնել երկխօսութիւնը, եւ յուսանք, որ յառաջիկայ հանդիպումը անոնց հաղորդակցման համար նոր խթան պիտի հանդիսանայ»:
Նշենք թէ, Ատրպէյճանի Արտաքին Գործոց նախարարութեան բանբեր Հիքմեթ Հաճիեւ յայտնած էր, թէ նկատի ունենալով, որ ԵԱՀԿ-ի Մինսքի խմբակի համանախագահները չեն յաջողած Արցախի տագնապին լուծման համար նոյնիսկ չնչին յառաջդիմութիւն մը ձեռք բերել, ամերիկացի համանախագահ Ճէյմս Ուորլիք իրաւունք եւ պատճառ չունի այլ կազմակերպութիւններու` նշեալ տագնապի լուծման վերաբերեալ որեւէ խորհուրդ տալու եւ յանձնարարութիւն կատարելու:
Հաճիեւ կը մեկնաբանէր Ուորլիքի` Եւրոպական խորհուրդի Խորհրդարանական վեհաժողովին կողմէ որդեգրուած Արցախի տագնապին առնչուող խնդրայարոյց բանաձեւին վերաբերեալ կատարած այն գրառումը, որուն մէջ գրած էր, որ Եւրոպական խորհուրդի Խորհրդարանական վեհաժողովը կամ այլ միջազգային կազմակերպութիւններ այս նիւթով զեկուցում կամ բանաձեւ հրապարակելէ առաջ պէտք է խորհրդակցին Մինսքի խմբակի համանախագահներուն հետ:
Հաճիեւ Մինսքի խմբակին գործունէութիւնը որակած է «անբաւարար»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles