Վիգէն Սարգսեան՝ Հ.Հ. Պաշտպանութեան Նախարար

0 0
Read Time:1 Minute, 16 Second

p1

 

ԵՐԵՒԱՆ.- Նախագահ Սերժ Սարգսեանի հրամանագրերով Վիգէն Սարգսեան ազատ կացուցուած է Հանրապետութեան նախագահի աշխատակազմի ղեկավարի պաշտօնէն եւ նշանակուած է Պաշտպանութեան նախարար:
Հոկտեմբեր 3-ին, ան այցելած է պաշտպանութեան նախարարութիւն եւ բանակի բարձրագոյն սպայական կազմին ներկայացուցած է պաշտպանութեան նոր նշանակուած նախարար Սարգսեանն ու բանակի նոր նշանակուած ընդհանուր հրամանատար Մովսէս Յակոբեանը, որ կը վարէր Պաշտպանութեան նախարարի տեղակալի պաշտօնը: Յակոբեան փոխարինեց Եուրի Խաչատուրովը, որ հեռանալով Հայաստանի Սպայակոյտի պետի պաշտօնէն, ստանձնեց Ազգային ապահովութեան խորհուրդի քարտուղարի պաշտօնը:
«Սահմանադրութեան մէջ յստակ ճշդուած է` մեր երկրին թիւ մէկ զինուորականը կամ աւագ զինուորականը պէտք է ըլլայ գլխաւոր հրամանատարը: Ժամանակի ընթացքին շատ աւելի մեծ կարեւորութիւն պիտի ստանայ ռազմաքաղաքական դիւանագիտութիւնը, շատ մեծ կարեւորութիւն պիտի ստանայ զինուած ուժերու ամբողջական մատակարարումը, գնումներու կազմակերպումը ինչպէս երկրին մէջ, այնպէս ալ արտերկրի: Մենք պարտաւոր ենք շատ աւելի մօտէն զբաղելու զինուորական կրթութեամբ եւ ռազմահայրենասիրական դաստիարակութեամբ: Մենք պարտաւոր ենք աշխուժացնելու մեր աշխատանքները զինուորական ծառայողներու ընկերային ապահովութեան ուղղութեամբ, բայց նաեւ պիտի յիշենք, որ մեր պարտաւորութիւնները միշտ կը մնան այն մարդոց հանդէպ, որոնք երբեւէ ծառայած են մեր զինուած ուժերուն մէջ: Անոնցմէ շատ-շատերը կա՛մ այսօր չկան, կա՛մ ալ ունին հաշմանդամութեան կարգ: Ես ընդամէնը քանի մը այսպիսի հատուածներ ըսի, բայց պաշտպանութեան նախարարի ժամանակին առիւծի բաժինը պէտք է յատկացուի այս եւ նման այլ խնդիրներու լուծման: Պաշտպանութեան նախարարը պէտք է շատ քիչ զբաղի զօրքերու առօրեայ գործունէութեամբ: Համոզուած եմ, որ Վիգէն Սարգսեան կը գիտակցի պատասխանատուութեան աստիճանին, եւ վստահ եմ, որ ան ջանք ու եռանդ պիտի չխնայէ, որ այդ վստահութիւնը արդարացնէ եւ պատասխանատուութիւնը կրէ պատուով: Վստահաբար, կ՛ուզեմ շնորհակալութիւն յայտնել Սէյրան Օհանեանին պաշտպանութեան նախարարի պաշտօնին վրայ երկարատեւ եւ տքնաջան աշխատանքին համար», եզրակացուց նախագահ Սերժ Սարգսեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles