ՍՈՒՐԲ ԶԱՏԻԿԸ ՊՈԼՍՈՅ ՄԷՋ

0 0
Read Time:1 Minute, 38 Second

OLYMPUS DIGITAL CAMERA

 

Կիրակի, Ապրիլ 5-ին, հայ եկեղեցին տօնեց Յիսուսի Քրիստոսի յարութեան տօնը:

Յատկապէս Պոլսոյ հայութեան համար, իւրայատուկ էր այս տարուայ նշումը: Արդարեւ, Հայոց Ցեղասպանութեան հարիւրամեակի նշումէն հազիւ քանի մը օր առաջ, Պոլսահայը տօնեց Զատիկը, որ հայ եկեղեցւոյ հինգ տաղաւար մեծ տօներէն մէկն է, կրօնական իմաստով` ամէնէն կարեւորը ամբողջ քրիստոնէական հաւատքը խարսխուած է Քրիստոսի  յարութեան հաւատքին վրայ:P4060218P4060302P4060306P4060385

Զատկուան նախորդ երեկոյեան` ճրագալոյցի խթման հետ վերջ կը գտնէ Մեծ պահքը:

Բոլոր հայ երդիքներէն ներս, Պոլսահայուն Ընթրիքի սեղանին վրան ալ, անպայմանօրէն տեղ գրաւած էր ձկնեղէնը, կաթնեղէնն ու հաւկիթը: Աւանդաբար զատկական սեղաններուն զարդը կը համարուի կարմիր ներկուած եւ եկեղեցին օրհնուած ձուն, որ ըստ Գրիգոր Տաթեւացիի, կը խորհրդանշէ աշխարհը:

Արտաքին կեղեւը նման է երկնքին, թաղանթը` օդին եւ սպիտակուցը` ջուրին: Իսկ դեղինը երկրագունդն է: Ներկուած կարմիր գոյնը կը խորհրդանշէ Քրիստոսի թափած արիւնը:

Նշենք թէ, 13-րդ դարէն ի վեր է, որ ներկուած հաւկիթները իսկապէս յայտնուած են: Անոնք կը փոխանակուէին Մեծ պահքի վերջաւորութեան առիթով` այս ձեւով խորհրդանշելով ձմրան զրկանքներու շրջանին աւարտը:OLYMPUS DIGITAL CAMERAP4050107OLYMPUS DIGITAL CAMERAP4050137

Քրիստոնէութեան առաջին շրջաններուն Արեւելքի եկեղեցիները Զատիկը կը տօնէին գարնան գիշերահաւասար օրուան յաջորդող լիալուսինէն առաջ վերջին օրը` յիշատակելով Յիսուսի մահը: Յիսուսի յարութեան յիշատակութիւնը տեղի կ՛ունենար երկու օր ետք: Այս տօնը մեր նախահայրերուն կողմէ կոչուած է տօն տօնից` տօներու տօն:

Զատիկ բառը վերջնականապէս ստուգաբանուած չէ եւ տարբեր մեկնաբանութիւններով կը կապուի զատել, ազատութիւն, հատիկ (զհատիկ) զենում եւ այլ բառերու հետ:

Զատիկէն առաջ հաստատուած քառասնօրեայ պահքն ու Աւագ շաբաթը լաւագոյն միջոցն են հաւատացեալ ժողովուրդը հոգեպէս եւ մարմնապէս պատրաստելու Ս. Յարութեան տօնի արժանաւորապէս դիմաւորման համար:

OLYMPUS DIGITAL CAMERAOLYMPUS DIGITAL CAMERAOLYMPUS DIGITAL CAMERA
P4030618
Սուրբ Յարութեան տօնին նախընթաց, Պոսփորի ափի հայկական եկեղեցիներուն մէջ ալ մատուցուեցաւ ճրագալոյցի սուրբ պատարագ, որուն ընթացքին պահք պահողները հաղորդութիւն ստացան եւ ապա ազդանշանը տրուեցաւ զատկական տօնակատարութիւնները: Հաւատացեալները իրար ողջունեցին` “Քրիստոս յարեաւ ի մեռելոց“ խօսքով եւ իբրեւ պատասխան ալ  ստացան, ակնկալուած` “Օրհնեալ է յարութիւնն Քրիստոսի“ պատասխանը:

Ստորեւ, լոյս կþընծայենք նկարներու շարք մը, որոնք կը պատկանին Լիբանանէն Պոլիս ժամանած Ռէյչըլ Փարթամեանի եւ Ռոյ Սաատէի: Այս երկու լուսանկարիչները, որոշ ժամանակաշրջանով մը այցելած են Պոլիս եւ իրենց ոսպնեակի ետին, պատրաստած է հետաքրքրական եւ գերտպաւորիչ “քլիք“ներ:

Ստորեւ, Սուրբ Զատիկը՝ ՌԷՅՉԸԼ ՓԱՐԹԱՄԵԱՆի եւ ՌՈՅ ՍԱԱՏԷի ոսպնեակի ետին:OLYMPUS DIGITAL CAMERAP4040255OLYMPUS DIGITAL CAMERAOLYMPUS DIGITAL CAMERA

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles