ԱՐԱՄ Ա. ԿԱԹՈՂԻԿՈՍԻ ՊՈՍԹԸՆԻ ՄԷՋ ՈՒՆԵՑԱԾ ՀԱՆԴԻՊՈՒՄՆԵՐՆ ՈՒ ԱՅՑԵԼՈՒԹԻՒՆՆԵՐԸ

0 0
Read Time:1 Minute, 28 Second

p1 hairenik

Մեծի Տանն Կիլիկիոյ Արամ Ա. Կաթողիկոս շարունակեց, իր հովուապետական այցելութիւնները՝ Ամերիկայի Միացեալ Նահանգներու Արեւելեան շրջանի զանազան գաղթօճախներէ ներս, ընդառաջելով Արեւելեան Թեմի Առաջնորդ Գերշ. Տ. Օշական Արք. Չօլոյեանի եւ Ազգային Վարչութեան հրաւէրին եւ անցեալ շաբաթավերջին ժամանեց Մասաչուսէց, ուր Նորին Սրպութեան կեցութիւնը տեւեց մօտաւորապէս մէկ շաբաթ:
Երեքշաբթի, Յունիս 3-ի առաւօտուն, Արամ Ա. Կաթողիկոս իր շքախումբին հետ այցելեց «Հայրենիք» եւ հանդիպում ունեցաւ կեդրոնի պատասխանատու մարմիններուն հետ: Այս առիթով Վեհափառ Հայրապետին հետ հարցազրոյց ունեցան «Հայրենիք»ի եւ «Արմինիըն Ուքլի»ի խմբագիրները: 30-1024x683Հարցազրոյցը ընդգրկեց Սուրիոյ հայութիւնը, Հայ Եկեղեցւոյ բարեկարգութիւնը, Հայոց Ցեղասպանութեան 100-ամեակը, ինչպէս նաեւ Սիսի Կաթողիկոսարանի գծով, Մեծի Տանն Կիլիկիոյ Կաթողիկոսութեան Թուրքիոյ Սահմանադրական Դատարանին մօտ բացած դատը:
Նշենք թէ, Պոսթընի Սուրբ Ստեփանոս եկեղեցւոյ սրահին մէջ, Արամ Ա. Վեհափառ Հայրապետը նախաճաշեց գաղութի զանազան կազմակերպութեանց ներկայացուցիչներուն հետ: Նորին Սրբութիւնը ներկաներուն խօսեցաւ եկեղեցւոյ ունեցած կարեւոր դերակատարութեան գաղութի ազգային եւ եկեղեցական կեանքի վերակազմակերպման աշխատանքներուն մէջ: Ան յայտնեց.- «Մեր բոլոր կազմակերպութիւնները զիրար կամրջողը նոյն եւ մէկ նպատակն է՝ ծառայել մեր ազգին ու եկեղեցւոյ գերագոյն արժէքներուն: Հետեւաբար անհրաժեշտ է, որ մեր բոլոր աշխատանքները ըլլան ներդաշնակ, որպէսզի առաւելագոյն արդիւնքի հասնին:28-1024x68325-1 Եկեղեցին կոչուած է ամրապնդելու մեր կազմակերպութիւններուն աշխատանքները եւ մեր կազմակերպութիւնները իրենց հերթին՝ զօրակցելու եկեղեցւոյ: Անշուշտ թէ մեզմէ իւրաքանչիւր կազմակերպութեան գործունէութեան շեշտաւորումը տարբեր է, սակայն պէտք է գործակցինք որպէս մէկ ընտանիք, եւ եկեղեցին կարեւոր դեր ունի այս բոլորը ի մի համախմբելուն մէջ: Այս սկզբունքով կը գործէ Մեծի Տանն Կիլիկիոյ Կաթողիկոսութիւնը եւ իր ծառայութիւնը կը բերէ մեր ազգին հոգեւոր, եկեղեցական, ազգային, մշակութային, ընկերային, Հայոց Ցեղասպանութեան ճանաչման ու մարդկային իրաւանց բնագաւառներէն ներս»:37-1024x68335-1024x683
Վեհափառ Հայրապետը այցելեց նաեւ Պոսթըն քաղաքի կեդրոնը գտնուող Հայոց Ցեղասպանութեան նուիրուած «Հայկական Ժառանգութիւն» զբօսայգին եւ յուշարձանը, ուր իր յարգանքի տուրքը մատուցեց Հայոց Ցեղասպանութեան մէկ ու կէս միլիոն նահատակ սուրբերուն:40-1024x683411-1024x683
Նորին Սրբութեան վերջին հանգրուանը հանդիսացաւ «Ամերիկայի Հայկական Թանգարանը»: Ան շրջեցաւ թանգարանի տարբեր բաժինները եւ գնահատեց պատասխանատուներուն տարած հայ մշակոյթի պահպանման եւ օտարներուն ծանօթացման աշխատանքը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles