ՊԱՏՇԱՃՕՐԷՆ ՆՇԵՆՔ ԵՒՐՈԽՈՐՀՐԴԱՐԱՆԻ ՈՐԴԵԳՐԱԾ ԲԱՆԱՁԵՒԸ

0 0
Read Time:1 Minute, 27 Second

european_parliament

ՀԱՅՐԵՆԻՔ

Խմբագրական

Ապրիլ 21, 2015 

 

Կարելի չէ հպանցիկ ձեւով մօտենալ, Ապրիլ 15-ին, Եւրոխորհրդարանի միաձայնութեամբ որդեգրած Հայոց Ցեղասպանութեան վերաբերեալ բանաձեւին:

Հաւանաբար, ,ֆէթիշե թուականէն՝ Ապրիլ 24-էն քանի մը օր առաջ ըլլալով եւ այդ ալ բազմաթիւ երկիրներու Խորհրդարաններէն (Աւստրիա, Չեխիա, Կիպրոս, եւ այլք) ներս, առնուած կամ առնուելիք ի նպաստ Հայոց Ցեղասպանութեան որոշումներու արդիւնք:

Թէ՛ թրքական եւ թէ՛ հայկական մամուլը լուսանձքային ոճով  անդրադարձան այս կարեւոր որոշումին առնչութեամբ, որուն համար վստահաբար Եւրոպայի հայութիւնն ու Հայ Դատը իրենց նիւթաբարոյական լուման տրամադրած էին:

Այս գծով եթէ հասկնալի է նկատել Թուրքիոյ մամուլին…լուրը ,ծածկելուե աշխատելաձեւը, անհասկնալի եւ դերի է՝ հայ մամուլին եւ քարոզչական մամուլին կատարած ,կարճ ու կտրուկե անդրադարձը:

Ճիշտ է որ նմանօրինակ որոշումներ եւ բանաձեւեր որդեգրուած էին նախապէս Աշխարհի հին ցամաքամասէն ներս՝ Յունիս 18, 1987-ին եւ Սեպտեմբեր 28, 2005¬ին, սակայն այս մէկը իր պայմաններով եւ ,թայմինկեով ունի իր կարեւորութիւնը:

Գրեթէ ամիս մը առաջ, Եւրոխորհրդարանը, մարդկանց իրաւունքներու եւ ժողովրդավարութեան վերաբերեալ զեկոյցին մէջ հաստատած էր թէ Հայոց Ցեղասպանութեան հարիւրամեակին ընդառաջ, Եւրոպական Միութեան անդամ բոլոր պետութիւններուն կոչ կ’ուղղուի` ճանչնալու Ցեղասպանութիւնը, եւ Եւրոպական Միութեան հաստատութիւններուն կը խրախուսէ նպաստելու Ցեղասպանութեան ճանաչման:

,Հայաստանի Եւրոպացի Բարեկամներե կազմակերպութիւնն ալ հրապարակած էր յայտարարութիւն մը` ողջունելով Եւրոպախորհրդարանի այս մօտեցումը, եւ այս կազմակերպութեան ղեկավար Էտուարտօ Լորենսօ Օչոան օրին յայտնած էր թէ երկարատեւ ընդմիջումէ ետք, Եւրոխորհրդարանը վերահաստատած է իր դիրքորոշումը՝ Հայոց Ցեղասպանութեան վերաբերեալ, դարձեալ հաստատելով, որ Ցեղասպանութիւնները եւ անոնց ժխտումը պէտք է դիտարկուին մարդկային իրաւունքներու ծիրէն ներս:

Կարեւոր է շեշտելը թէ, Հայոց Ցեղասպանութեան վերաբերեալ որդեգրուած բանաձեւը առնուեցաւ միաձայնութեամբ եւ պարզումէկին կոչ ուղղուեցաւ Եւրոպական Միութեան անդամ երկիրներու խորհրդարաններուն եւ կառավարութիւններուն` Հայոց Ցեղասպանութեան ճանաչման ու դատապարտման համապատասխան բանաձեւեր որդեգրելու եւ որոշումներ տալու:

Այո՛…Երրորդ անգամն է որ, Եւրոխորհրդարանը Ապրիլ 24-ը կը հռչակէր Եւրոպական Միութեան մէջ Հայոց Ցեղասպանութեան յիշատակման օր` սակայն հարիւրամեակի սեմին առնուած այս որոշումը տեղին է պատշաճօրէն եւ խոշորացոյցով նշել:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles