ՆԻՒ ՃԸՐԶԻ.- ՉԱՐԵՆՑԻ ՄԱՍԻՆ ՎԱՒԵՐԱԳՐԱԿԱՆ ԺԱՊԱՒԷՆԻ ՑՈՒՑԱԴՐՈՒԹԻՒՆ

0 0
Read Time:1 Minute, 38 Second


f

Կիրակի, Մարտ 6, 2016-ին, Համազգայինի Նիւ Ճըրզիի Մասնաճիւղը կազմակերպեց Եղիշէ Չարենցի նուիրուած երեկոյ մը, որուն ընթացքին ներկայացուեցաւ «Charents: In Search of My Armenian Poet» վաւերագրական ժապաւէնը։
Ժապաւէնի ցուցադրութեան ներկայ էր ժապաւէնի հեղինակ եւ բեմադրիչ Շիրին Անտըրսըն։
Երեկոն սկսաւ բարի գալուստի խօսքով, որուն ընթացքին հակիրճ տեղեկութիւն տրուեցաւ Եղիշէ Չարենցի կեանքին ու գրական գործունէութեան մասին։ c

Նարեկ Շաբաթօրեայ Վարժարանի չորրորդ կարգէն մինչեւ եօթերորդ կարգի աշակերտներէն խումբ մը շատ գեղեցիկ ու սահուն կերպով ներկայացուց Եղիշէ Չարենցի բանաստեղծութիւններէն փունջ մը։ Ապա սկսաւ ժապաւէնին ցուցադրութիւնը։
Ժապաւէնը 90 վայրկեանի տեւողութիւն ունէր, ուր հեղինակը կը ճամբորդէր տարբեր շրջաններ։ Սկսելով Հայաստանէն, ան կ՚անցնի Թիֆլիս, որ քսաներորդ դարու սկիզբը հայ մշակութային կեանքի կեդրոնն էր եւ ուր Չարենց ապրած, ստեղծագործած ու բարեկամութիւն մշակած է այդ օրերու այլ յայտնի հայ մտաւորականներու հետ։ Ապա կը փոխադրուի Կարս, որ Չարենցի ծննդավայրն էր, ուրկէ Չարենց վերջին անգամ հեռաձած էր երբ Հայ Կամաւորական Գունդերը նահանջած էին հոնկէ, որուն մաս կը կազմէր ինք։ a
Ժապաւէնի ընթացքին հեղինակը հարցազրոյցներ կ՚ունենայ Համալսարանի դասախօսներու, գրողներու, բանաստեղծներու, ուսանողներու եւ պարզ քաղաքացիներու կամ գիւղացիներու հետ։ Հետաքրքրական է, որ հեղինակը ջանք թափելու կարիքը չի զգար մարդոց խօսեցնելու Չարենցի մասին։ Հազիւ անոր անունը տուած՝ մարդիկ ինքնաբուխ կերպով կը սկսին պատմել իրենց գիտցածը անոր մասին, նոյնիսկ երեխաներ անգիր կ՚արտասանեն Չարենցի բանաստեղծութիւնները։ e
Այս շրջագայութեան ընթացքին հեղինակը ամէն տեղ կը փորձէ բան մը յայտնաբերել Չարենցի մասին, սկսեալ անոր թաղուած ըլլալու ենթադրեալ վայրէն, մինչեւ իր կեանքի տարբեր յանգրուանները, Թիֆլիսի մէջ իր գործունէութիւնը, հասնելով իր ծննդավայրը ու գտնելով իր հօրենական տունը։ Կը փորձէ յայտնաբերել այն վայրերը, ուր Չարենց անուցած է իր ազատ կեանքի վերջին վայրկեանները, որմէ ետք ձերբակալուած ու փոխադրուած է Ստալինեան բանտերէն մէկը, ուր սպաննուած է անյայտ պայմաններու մէջ։d
Ժապաւէնի ցուցադրութեան աւարտին խօսք առաւ հեղինակը, ու պատմեց Հայաստան անցուցած իր հինգ տարիներուն ու ժապաւէնի պատրաստութեան մասին։ Ապա ան պատասխանեց ներկաներուն հարցումներուն։
Երեկոյի աւարտին խօսք առաւ Տէր Յովնան Քհն. Պոզոյեան, որ իր սրտի խօսքը փոխանցելէ ետք կատարեց փակումը։
Յոյսով ենք, որ այս ժապաւէնը առիթ մը հանդիսանայ, որ ներկաները նորոգեն իրենց ունեցած գիտելիքները Չարենցի մասին ու նոր հետաքրքրութեամբ մը կարդան անոր գործերը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles