ՈՉ ՄԷԿ ՆՈՐՈՒԹԻՒՆ…ՍՈՉԻԷՆ

0 0
Read Time:1 Minute, 44 Second

p4 a

 

ՀԱՅՐԵՆԻՔ

Խմբագրական
Օգոստոս 12, 2014

Սոչիի մէջ կատարուած եռակողմանի եւ երկկողմանի հանդիպումները, այսինքն Ռուսաստանի նախագահ Վլատիմիր Փութինի տեսակցութիւնները՝ Հայաստանի եւ Ատրպէյճանի նախագահներ Սարգսեանի եւ Ալիեւի հետ, նաեւ ամէն մէկուն հետ առանձնաբար, ոչ մէկ յատուկ յիշատակելի յառաջխաղացք արձանագրեցին եւ ունեցան ՝՝փրոթոքոլային՝՝ բնոյթ:

Արդիւնք մը, որ երբեք անակնկալ չէր երեք նախագահներուն համար, նոյնիսկ վերջերս շարունակ քաղաքական բեմէն ներս ցեխարձակումներ կատարող եւ սահմանագիծի տարածաշրջանէն ներս զինադադարը խախտող՝ Ալիեւի համար, որ երկրէն ներս տիրող անհանդուրժելի կացութիւնը շրջանցելու եւ քննադատներու կեդրոնացումը շեղելու նպատակով, շարունակ կը դիմէ այս ոճին:
Նոյնիսկ անմեղ հայ գիւղացի մը առեւանգելով, չարչարելով եւ սպաննելով, ան կը կարծէ թէ ինքզինք կրնայ պարտադրել, իբրեւ նախագահ:
Քրեմլինի լոյս ընծայած մամլոյ հաղոդագրութիւնը ցայտուն օրինակն է այս հանդիպումներու մասին:
Արդարեւ, Մոսկուա հաւաստիացուցած է թէ, Արցախի քննարկման գործընթացը դանդաղ կ՛ընթանայ եւ բաւական ժամանակ կը խլէ: Այս գծով ալ, Փութին ՝՝Լափալիսեան՛՛ իրականութիւն մը բացայայտելով շեշտած է թէ այս հիմնահարցը չափազանց երկար ձգձգուած է եւ շուտափոյթ լուծում կը պահանջէ:
Արցախի հիմնահարցէն անկախ, անշուշտ Փութին անդրադարձած է երկկողմ տեսակցութիւններու մասին, նշելով թէ Հայաստանի հետ յարաբերութիւնները այնքան մը բարեկամական ու սիրալիր են, որ Ռուսաստանի կառավարութիւնը հաստատած է Հայաստանի` Եւրասիական միութեան անդամակցութեան համաձայնագիրը, որ ստորագրման համար պիտի ներկայացուի նոյնինքն նախագահ Փութինին: Իսկ Ատրպէյճանի հետ յարաբերութիւններուն մասին անդրադառնալով, Փութին նշեց թէ երկու երկիրները կը մնան մօտիկ բարեկամներ եւ շարունակ վստահութիւնն ու գործակցութիւնը կը զարգանայ:
Իրապաշտ վերլուծում մը՝ Արցախի Հանրապետութեան նախագահական պալատի մէկ հաստատումն էր, թէ այս հանդիպումներէն վերջնական ակնկալիքներ ունենալ կարելի չէ, որովհետեւ այս տեսակցութիւններուն զերծ կը մնար կարեւորագոյն գործօնը՝ Արցախի նախագահին մասնակցութիւնը:
Այս հանդիպումներուն գծով Արցախի նակագահական պալատի բամբեր՝ Դաւիթ Պապայեանի յայտնած եզրակացութիւնը կը նկատուի տեղին նշում մը թէ նման հանդիպումներ շատ կարեւոր են, եւ »Մենք կ՛արժեւորենք զանոնք, որովհետեւ կը նկատենք, որ անոնք խաղաղութեան եւ կայունութեան պահպանութեան համար անհրաժեշտ են՝՝:
Սոչիի յետ Ողիմպիական երանգները պահելու համար, այս հանդիպումներու ընթացքին, նախագահներ Սարգսեան եւ Ալիեւ, Փութինի հրաւէրով ներկայ գտնուեցան մարտական սամպոյի տարեկան միջազգային մրցաշարքին:
Մարզական ոգիով, այս մարտական բնոյթ ունեցող մրցումով կարելի է եզրակացնել, վերոյիշեալ եռակողմանի հանդիպումներուն արդիւնքը: Տարբերութիւնը այն էր թէ, այս մրցումներուն, մարզիկները բուռն պայքար կը մղէին գերազանցելու մրցակիցին եւ յաղթանակ կերտելու, մինչդեռ Սարգսեան – Ալիեւ հանդիպումին, իրաւարար՝ Փութին բարեկամական հանդիպում մըն է որ կը կատարէր…

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles