0
0
Հանրահռչակ զօրավար Դրոյի զաւակը՝ Մարտիրոս (Մարտիկ) Կանայեան մահացաւ Շաբաթ, Դեկտեմբեր 26-ին, 71 տարեկանին, յետ երկարատեւ հիuանդութեան:
Ծնած Մայիս 1, 1938-ին, Ռումանիոյ մայրաքաղաք Պուքրէշի մէջ, ան կարճ ժամանակաշրջաններ, յաջորդաբար բնակած է Գերմանիոյ, Իտալիոյ եւ Լիբանանի մէջ: 1951-ին հաստատուած Ուաթըրթաուն (Մասաչուսէց), ան շրջանաւարտ է Պոսթընի «Նորթիսթըրն» համալսարանէն: Ծառայած Միացեալ Նահանգներու բանակին, ան տարիներ շարունակ աշխատած է «Շէլ» ընկերութենէն ներս, մինչեւ հանգստեան կոչուիլը՝ 1997:
Մարտիկ ընտանիք կազմեց Ալիս Տաղլեանի հետ եւ բախտաւորուեցաւ երկու մանչ զաւակներով՝ Դրօ եւ Ֆիլիփ: 1998-ին, ան մասնակցեցաւ Հայաստանի Հանրապետութեան 80-րդ տարեդարձի տօնակատարութիւններուն: Մարտիկի ժրաջան աշխատանքի արդիւնք, Զօրավար Դրոյի աճիւնները 2000-ին փոխադրուեցան Մասաչուսէցէն Երեւան, ուր նաեւ հիմը դրուեցաւ Զօրավար Դրօ Կանայեանի սպայից վարժարանին:
