Ոչ Եւս Է Արդարութեան Մարտիկ Հրայր Քիլինճեան

Read Time:28 Second

Յատուկ հաղորդագրութեամբ մը Հայ Յեղափոխական Դաշնակցութեան Արեւմտեան Եւրոպայի Կեդրոնական Կոմիտէն խոր ցաւով կը գուժէ Հայ Դատի նուիրեալ, Արդարութեան Մարտիկ Ընկեր՝ ՀՐԱՅՐ ՔԻԼԻՆՃԵԱՆի մահը, որ պատահեցաւ այսօր՝ 22 Մարտ 2023-ին, Մարսէյի մէջ:

Մաքս-Հրայր Քիլինճեան ձերբակալուած էր 1980-ին՝ Զուիցերիոյ մէջ թուրք դեսպանը ահաբեկելու ամբաստանութեամբ, սակայն հանրային բուռն դատավարութենէ ետք, իբրեւ դատապաշտպան ունենալով կարկառուն փաստաբաններ՝ Փաթրիք Տեվէճեանն ու Հանրի Լըքլէրը, անմեղ հռչակուած եւ ազատ արձակուած էր: Էքս-Ան-Փրովանսի դատարանին առջեւ տեղի ունեցած ժողովրդային զօրակցութեան բազմահազար ցոյցը, ինչպէս նաեւ աշխարհով մէկ կայացած նմանատիպ հաւաքները կը մնան թարմ նորագոյն պատմութեան մէջ: