Նշուեցաւ Հրանդ Տինքի Նահատակութեան 19-րդ Տարելիցը

ՊՈԼԻՍ.- Յունուար 19-ին  ոգեկոչուեցաւ 19 տարի առաջ «Ակօս» շաբաթաթերթի խմբագրատան առջեւ սպաննուած լրագրող ու հրապարակախօս Հրանդ Տինքի նահատակութեան 19-րդ տարելիցը։

Հակառակ աննպաստ օդին, հազարաւոր անձեր ներկայ եղան Շիշլիի շէնքին առջեւ:
Անկասկած, որ Հրանդ Տինքի դէմ կատարուածը պետական ահաբեկչութիւն էր: Հայ մտաւորականը զոհն էր,  Թուրքիոյ մէջ գոյութիւն ունեցող անիրաւութեան:

Տինք յաջողած էր Հայոց ցեղասպանութեան մասին բարձրաձայնել եւ ամբողջ հասարակակարգ մը իրազեկել, սակայն, թուրք ազգայնականութիւնը լուռ հետեւեցաւ անոր քայլերուն եւ խօսքին, քանի մը սպառնալիքներէ ետք որոշեց լռութեան մատնել ազնուական հայու սիրտն ու մտածումները: