
Read Time:1 Minute, 6 Second

Բացման խօսքը փոխանցեց, ձեռնարկը կազմակերպող յանձնախումբի պատասխանատու՝ Անդրանիկ Գասպարեան, որ տեղեկութիւններ փոխանցեց վերջին ամիսներուն կատարուած իրադարձութիւններուն, եւ յատկապէս քառօրեայ պատերազմին մասին: Ան շեշտեց թէ, Ատրպէյճանի ապատեղեկատուական մեքենան շարունակ կþաղաւաղէ, սխալ ու անճշգրիտ տեղեկութիւններ փոխանցելով, եւ շարունակ յայտնելով թէ պատմութիւն ունեցող Արցախեան այդ հայաշունչ հողերը կը պատկանին ազերիներուն:


Ապա Գասպարեան, բեմ հրաւիրեց Քրիս Պոհճալեանը, որ ամենայն հարազատութեամբ ներկայացուց ներկայ իրավիճակը Արցախի մէջ:
Ան արդէն իսկ, այս կատարուած ճամբորդութիւնէն տպաւորութիւններ լոյս ընծայած է «USA Today», «The Burlington Free Press» եւ այլ թերթերու մէջ: Անոր վերջին գրութիւնը, Սուրիոյ պատերազմէն խոյս տուած հայորդիի մը պատմութիւնն է, որ հաստատուած է Արցախ, խանդավառելով տեղացիները:

Աւելի քան կէս ժամ տեւողութիւն ունեցող իր խօսքին մէջ, Պոհճալեան ներկայացուց իր հնգօրեայ ուղղեւորութիւնէն յուշեր ու յիշատակներ: Ան տեսակցած ու մտերմիկ զրոյցներ ունեցած է զինուորներու, աշակերտներու, ուսուցիչներու եւ նոյնիսկ պարզ բնակիչներու հետ, որոնք իր վրայ ձգած են խոր տպաւորութիւն:
Կատարուեցաւ հարց-պատասխան, եւ ներկաները մեծ հետաքրքրութեամբ հարցադրումներ կատարեցին անուանի գրագէտին, որ իր պատասխաններով յաւելեալ տպաւորութիւն ձգեց եւ խանդավառութիւն ստեղծեց:
Այս առթիւ կատարուեցան նուիրատուութիւններ Հայ Մշակութային Ա.Մ.Ն. Արեւելեան շրջանի «Արցախ Ֆոնտ»ին եւ «Թիւֆէնքեան» հիմնարկին կողմէ կառուցուող Առաջամուղ գիւղին: Կարելի է նուիրատուութիւններ կատարել հետեւեալ հասցէին.-
ACAA Artsakh Fund
80 Bigelow Ave.
Watertown, MA 02472